ಮದುವೆಯಾದ ಐದೇ ದಿನಕ್ಕೆ ಪತ್ನಿಯನ್ನು ಭೀಕರವಾಗಿ ಕೊಲೆ ಮಾಡಿದ!

ಮುಂಬೈ: ಬಲವಂತವಾಗಿ ಮದುವೆ ಮಾಡಿಸಿದರೆಂಬ ಕಾರಣಕ್ಕೆ ಕೈ ಹಿಡಿದ ಪತ್ನಿಯನ್ನೇ ಮದುವೆಯಾದ ಐದೇ ದಿನಕ್ಕೆ ಪತಿ ರುಂಡ ಮುಂಡ ಬೇರ್ಪಡಿಸಿದ ಘಟನೆ ಮುಂಬೈಯಲ್ಲಿ ನಡೆದಿದೆ.

ಕಳೆದ ವಾರ ಮುಂಬೈಯಲ್ಲಿ ಮಹಿಳೆಯೊಬ್ಬರ ದೇಹದ ಭಾಗಗಳು ಹಲವೆಡೆ ಪತ್ತೆಯಾದ ವರದಿಯಾಗಿತ್ತು. ಈ ಕೊಲೆ ರಹಸ್ಯ ಇದೀಗ ಬೆಳಕಿಗೆ ಬಂದಿದೆ. ಪ್ರಿಯಾಂಕ (24) ಕೊಲೆಯಾದಾಕೆ. ಆಕೆಯ ತಲೆಯ ಭಾಗ ನಾಶಿಕ್ ಬಳಿಯ ಕಾಡಿನಲ್ಲಿ ಪತ್ತೆಯಾಗಿದೆ.

ಪತಿ ಗೌರವ್ ಮತ್ತು ಆತನ ಮನೆಯವರು ಹಾಗೂ ಕೊಲೆ ನಡೆಸಿದ ಮೇಲೆ ದೇಹ ಸಾಗಿಸಲು ಸಹಾಯ ಮಾಡಿದ ಇಬ್ಬರನ್ನು ಬಂಧಿಸಲಾಗಿದೆ. ಇಷ್ಟವಿಲ್ಲದ ಮದುವೆ ಮಾಡಿಸಿದ್ದಕ್ಕೆ ಪತಿ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ.

ಕೊಲೆ ಮಾಡಿದ ಮೇಲೆ ಸಾಕ್ಷ್ಯ ನಾಶ ಮಾಡಲು ಸಹಾಯ ಮಾಡಿದ ಆರೋಪಿಯ ಹೆತ್ತವರನ್ನೂ ಬಂಧಿಸಲಾಗಿದೆ. ಮೃತದೇಹ ಸಾಗಿಸಲು ಸಹಾಯ ಮಾಡಿದವರಲ್ಲೊಬ್ಬಾತನನ್ನು ವಿಚಾರಣೆ ನಡೆಸಿದಾಗ ಕೃತ್ಯ ಬೆಳಕಿಗೆ ಬಂದಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ