‘ಧೋನಿಯನ್ನು ಜೀವಮಾನ ಪರ್ಯಂತ ಕ್ಯಾಪ್ಟನ್ ಎಂದೇ ಕರೆಯುತ್ತೇನೆ’

ಮುಂಬೈ: ಧೋನಿ ಕ್ರಿಕೆಟ್ ನಾಯಕತ್ವವನ್ನು ತ್ಯಜಿಸಿದ ಮೇಲೂ ಅವರು ನನ್ನ ಪಾಲಿಗೆ ಯಾವತ್ತಿಗೂ ನಾಯಕ. ಅವರನ್ನು ಜೀವಮಾನ ಪರ್ಯಂತ ಕ್ಯಾಪ್ಟನ್ ಎಂದೇ ಕರೆಯುತ್ತೇನೆ ಎಂದು ರೀಲ್ ಲೈಫ್ ಧೋನಿ ಸುಶಾಂತ್ ಸಿಂಗ್ ರಜಪೂತ್ ಹೇಳಿದ್ದಾರೆ.

ನನಗಿನ್ನೂ ನೆನಪಿದೆ. 2005 ರಲ್ಲಿ ಭಾರತ ಪಾಕಿಸ್ತಾನ ಪಂದ್ಯ ನಡೆಯುತ್ತಿತ್ತು. ನಮ್ಮವರ ಆರಂಭ ಉತ್ತಮವಾಗಿರಲಿಲ್ಲ. ಆಗ ಈ ಆಟಗಾರ ಆತ್ಮ ವಿಶ್ವಾಸದಿಂದ ಬ್ಯಾಟ್ ಬೀಸಿ ಭಾರತವನ್ನು ಸುರಕ್ಷಿತ ದಡಕ್ಕೆ ಕರೆದೊಯ್ದರು. ಆವಾಗಿನಿಂದ ನಾನು ಅವರ ಅಭಿಮಾನಿಯಾಗಿ ಬಿಟ್ಟೆ.

ಕಳೆದ ಕೆಲವು ವರ್ಷಗಳಿಂದ ಧೋನಿ ಒಬ್ಬ ನಾಯಕ ಹೇಗಿರಬೇಕೆಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಅವರ ಬಗ್ಗೆ ಮಾಡಿದ ಸಿನಿಮಾದಲ್ಲಿ ಅವರದೇ ಪಾತ್ರ ಮಾಡಿದ ಮೇಲಂತೂ ನನಗೆ ಅವರ ಮೇಲಿನ ಗೌರವ ಹೆಚ್ಚಾಯಿತು ಎಂದು ಧೋನಿ ಸಿನಿಮಾದಲ್ಲಿ ಧೋನಿ ಮಾತ್ರ ಮಾಡಿದ ಸುಶಾಂತ್ ಹೇಳಿಕೊಂಡಿದ್ದಾರೆ.

ಅಂತಿಪ್ಪಾ ಸುಶಾಂತ್ ಧೋನಿಯನ್ನು ಭೇಟಿ ಮಾಡುವ ಅವಕಾಶ ಸಿಕ್ಕಾಗಲೆಲ್ಲಾ ಅವರನ್ನು ಕ್ಯಾಪ್ಟನ್ ಎಂದೇ ಕರೆಯುತ್ತಿದ್ದರಂತೆ. ಹಾಗಾಗಿ ಮುಂದಿನ ತಮ್ಮ ಜೀವನ ಪರ್ಯಂತ ಧೋನಿಯನ್ನು ಕ್ಯಾಪ್ಟನ್ ಎಂದೇ ಕರೆಯುತ್ತಾರಂತೆ . ಅವರ ಯಾವುದೇ ನಿರ್ಧಾರವೂ ತನ್ನನ್ನು ಹಾಗೆ ಕರೆಯುವುದನ್ನು ನಿಲ್ಲಿಸದು ಎಂದು ಸುಶಾಂತ್ ಧೋನಿ ಗುಣಗಾನ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ