ಗಡ್ಡ ಬೋಳಿಸುವ ಚಾಲೆಂಜ್ ಸ್ವೀಕರಿಸಿದ ಕ್ರಿಕೆಟಿಗ ಜಹೀರ್ ಖಾನ್!

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಗರು ಇದೀಗ ಹೊಸ ಚಾಲೆಂಜ್ ನಲ್ಲಿ ಬ್ಯುಸಿ. ಅದೇ ಗಡ್ಡ ಬೋಳಿಸುವ ಚಾಲೆಂಜ್. ಅದಕ್ಕೀಗ ಹೊಸ ಕ್ರಿಕೆಟಿಗರೊಬ್ಬರ ಸೇರ್ಪಡೆಯಾಗಿದೆ.

ಅದ್ಯಾವಾಗ ರವೀಂದ್ರ ಜಡೇಜಾ ತಮ್ಮ ಗಡ್ಡ ಬೋಳಿಸಿಕೊಂಡು ಐಪಿಎಲ್ ಗೆ ಕಾಲಿಟ್ಟರೋ, ಅಂದಿನಿಂದ ಟೀಂ ಇಂಡಿಯಾ ಕ್ರಿಕೆಟಿಗರು ಒಬ್ಬರಾದ ಮೇಲೊಬ್ಬರಂತೆ ಗಡ್ಡ ಬೋಳಿಸುವುದರಲ್ಲಿ ತೊಡಗಿದ್ದಾರೆ.

ಹೀಗಾಗಿ ಇಷ್ಟು ದಿನ ದಾಡಿ ಬಿಟ್ಟುಕೊಂಡು ಓಡಾಡುತ್ತಿದ್ದ ಹಾರ್ದಿಕ್ ಪಾಂಡ್ಯ, ರೋಹಿತ್ ಶರ್ಮಾ ತಾವು ಗಡ್ಡ ಬೋಳಿಸಿಕೊಂಡಿದ್ದಲ್ಲದೆ, ಟ್ವಿಟರ್ ನಲ್ಲಿ ಫೋಟೋ ಹಾಕಿದ್ದರು. ಆದರೆ ನಾಯಕ ವಿರಾಟ್ ಕೊಹ್ಲಿ ಮಾತ್ರ ಗೆಳತಿ ಅನುಷ್ಕಾಗೆ ದಾಡಿ ಇಷ್ಟವೆಂದು ತೆಗೆಯದೇ ಇರಲು ತೀರ್ಮಾನಿಸಿದ್ದಾರೆ.

ಆದರೆ ಇದೀಗ ಜಹೀರ್ ಖಾನ್ ಚಾಲೆಂಜ್ ಸ್ವೀಕರಿಸಿದ್ದು, ಗಡ್ಡ ಬೋಳಿಸಿಕೊಂಡು ಫೋಟೋ ಪ್ರಕಟಿಸಿದ್ದಾರೆ. ಇದೀಗ ಥೇಟ್ ಹಳೆಯ ಕಾಲದ ಜಹೀರ್ ನಂತೇ ಕಾಣಿಸುತ್ತಿದ್ದಾರೆ. ಇವರ ಈ ಲುಕ್ ಗೆ ಭಾವಿ ಪತ್ನಿ ಸಾಗರಿಕಾ ಘಾಟೆ ಕೂಡಾ ಖುಷ್ ಆಗಿದ್ದಾರಂತೆ. ಇನ್ನೇನು ಬೇಕು ಖುಷಿಗೆ?!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ