ಕೊಲೊಂಬೋ: ವಿರಾಟ್ ಕೊಹ್ಲಿ ಜತೆ ಕೊಲೊಂಬೋದಲ್ಲಿ ಸ್ವಿಮ್ಮಿಂಗ್ ಪೂಲ್ ನಲ್ಲಿ ಖಾಲಿ ಎದೆ ತೋರಿಸುವ ಫೋಟೋಗೆ ಪೋಸ್ ನೀಡಿದ ಕೆಎಲ್ ರಾಹುಲ್ ಇದೀಗ ಯುವರಾಜ್ ಸಿಂಗ್ ತಮಾಷೆಗೆ ಆಹಾರವಾಗಿದ್ದಾರೆ.
ಹಾಟ್ ಫೋಟೋ ಪ್ರಕಟಿಸಿದ್ದ ರಾಹುಲ್ ಕ್ಯಾಪ್ಟನ್ ಸೆಲ್ಫೀ ಎನ್ನುವಾಗ ಪೋಸ್ ಕೊಡಲು ರೆಡಿ ಎನ್ನುವ ಅರ್ಥದಲ್ಲಿ ರಾಹುಲ್ ಫೋಟೋ ಸಮೇತ ಟ್ವೀಟ್ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ಯುವಿ, ‘ಹಾಗಾದರೆ ನಾಯಕ ಸೆಲ್ಫೀ ಎಂದರೆ ನಿನಗೆ ನೋ ಹೇಳಲು ಅವಕಾಶವೇ ಇಲ್ಲ ಎಂದು ಹೇಳಲು ಹೊರಟಿದ್ದೀಯಾ? ನಾಯಕ ಏನು ಹೇಳಿದರೂ ಮಾಡಲು ರೆಡಿ ಅಂತಾನಾ?’ ಎಂದು ತಮಾಷೆ ಮಾಡಿದ್ದಾರೆ.
ಇದಕ್ಕೆ ಉತ್ತರಿಸಿರುವ ರಾಹುಲ್ ನಗು ನಗುತ್ತಲೇ ಹೌದು ಯಾರೇ ಆದರೂ ಸೆಲ್ಫೀ ಎಂದು ಬಂದರೆ ಪೋಸ್ ಕೊಡಲು ನಾನು ರೆಡಿ ಎಂದು ಉತ್ತರಿಸಿದ್ದಾರೆ.