ಕೋಲ್ಕೊತ್ತಾ: ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಅವರು ನೂರನೇ ಶತಕ ಗಳಿಸುವಾಗ ಧರಿಸಿದ ಗ್ಲೌಸ್, ಬ್ಯಾಟ್, ಪಿವಿ ಸಿಂಧು ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ ಪದಕ ಗೆಲ್ಲುವಾಗ ತೊಟ್ಟ ಜೆರ್ಸಿ ಎಲ್ಲಾ ನೋಡಬೇಕೇ? ಅದಕ್ಕೊಂದು ವೇದಿಕೆ ಕಲ್ಪಿಸಲಾಗುತ್ತಿದೆ.
ಕೋಲ್ಕೋತ್ತಾದಲ್ಲಿ ಸ್ಥಾಪಿಸಲಾಗುವ ಕ್ರೀಡಾ ವಸ್ತು ಸಂಗ್ರಹಾಲಯದಲ್ಲಿ ಇನ್ನು ಇವೆಲ್ಲವೂ ಲಭ್ಯ. ಇಂತಹ ಅಪರೂಪದ ಕ್ರೀಡಾ ಪರಿಕರಗಳನ್ನು ಈ ಮ್ಯೂಸಿಯಂನಲ್ಲಿ ಪ್ರದರ್ಶನಕ್ಕಿಡಲಾಗುವುದು.
ಈ ವಸ್ತು ಸಂಗ್ರಹಾಲಯದಲ್ಲಿ ಕುಸ್ತಿ ಪಟು ಸಾಕ್ಷಿ ಮಲಿಕ್, ಕ್ರಿಕೆಟಿಗರಾದ ಅಜಿಂಕ್ಯಾ ರೆಹಾನೆ, ವಿವಿಎಸ್ ಲಕ್ಷ್ಮಣ್, ರವಿಚಂದ್ರನ್ ಅಶ್ವಿನ್, ಕರುಣ್ ನಾಯರ್, ಬಾಕ್ಸರ್ ವಿಜೇಂದರ್ ಸಿಂಗ್, ಮೇರಿ ಕೋಮ್, ಬ್ಯಾಡ್ಮಿಂಟನ್ ಪಟು ಗೋಪಿಚಂದ್ ಮುಂತಾದ ಖ್ಯಾತ ನಾಮರಿಗೆ ಸಂಬಂಧಿಸಿದ ಪರಿಕರಗಳನ್ನು ಪ್ರದರ್ಶನಕ್ಕಿಡಲಾಗುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ