ಧೋನಿ ಐಪಿಎಲ್ ನಾಯಕತ್ವ ಕಳೆದುಕೊಂಡ ಕಾರಣ ಬಯಲಾಯ್ತು

ಮುಂಬೈ: ಧೋನಿ ಐಪಿಎಲ್ ನ ಪುಣೆ ರೈಸರ್ಸ್ ತಂಡದ ನಾಯಕತ್ವ ಕಳೆದುಕೊಂಡಿರುವುದು ಇದೀಗ ಭಾರೀ ಚರ್ಚಾ ವಿಷಯವಾಗಿದೆ. ಧೋನಿ ನಾಯಕತ್ವ ಕಳೆದುಕೊಳ್ಳಲು ಕಾರಣವೇನೆಂದು ಸ್ವತಃ ತಂಡದ ಮಾಲಿಕ ಸಂಜೀವ್ ಗೊಯೆಂಕಾ ಬಹಿರಂಗಪಡಿಸಿದ್ದಾರೆ.

ನಮಗೆ ಯಾರಾದರೂ ಯುವ ನಾಯಕನ ಅಗತ್ಯವಿತ್ತು. ಅದಕ್ಕಾಗಿ ಆಟಗಾರರನ್ನು ತಲಾಷ್ ಮಾಡುತ್ತಿದ್ದೆವು. ಆಗ ನಮ್ಮ ಮನಸ್ಸಿನಲ್ಲಿ ಮೂಡಿದ್ದೇ ಆಸ್ಟ್ರೇಲಿಯಾವನ್ನು ಉತ್ತಮವಾಗಿ ನಿರ್ವಹಿಸುತ್ತಿರುವ ಸ್ಟೀವ್ ಸ್ಮಿತ್. ಹೀಗಾಗಿ ಧೋನಿಗೆ ಕೊಕ್ ಕೊಟ್ಟು ಸ್ಮಿತ್ ಗೆ ಮಣೆ ಹಾಕಿದೆವು ಎಂದು ಗೊಯೆಂಕಾ ಹೇಳಿಕೊಂಡಿದ್ದಾರೆ.

ಆದರೆ ಧೋನಿಯನ್ನು ಕಡೆಗಣಿಸೋದಿಲ್ಲ. ಅವರು ತಂಡದ ನಿರ್ಧಾರಗಳಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ. ಮುಂದೆಯೂ ತಂಡದ ಪ್ರಮುಖ ಆಟಗಾರನಾಗಿ ಮುಂದುವರಿಯಲಿದ್ದಾರೆ ಎಂದು ಗೊಯೆಂಕಾ ಸ್ಪಷ್ಟಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ