ಲಂಡನ್: ಶ್ರೀಲಂಕಾ ವಿರುದ್ಧದ ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಶೂನ್ಯಕ್ಕೆ ಔಟಾಗಿರುವುದಕ್ಕೂ ಪಾಕಿಸ್ತಾನದ ಈ ಬೆಡಗಿಗೂ ಸಂಬಂಧವಿದೆಯಂತೆ!
ಹಾಗಂತ ಟ್ವಿಟರಿಗರು ವಿಮರ್ಶೆ ನಡೆಸುತ್ತಿದ್ದಾರೆ. ಅಷ್ಟಕ್ಕೂ ಈಕೆ ಯಾರು? ಈಕೆ ಹೇಗೆ ಕೊಹ್ಲಿ ಔಟಾಗುವುದಕ್ಕೆ ಕಾರಣರಾದರು ಎಂದು ಹುಡುಕುತ್ತಾ ಹೋದರೆ ಇದೆಲ್ಲಾ ಒಂದು ಕಾಕತಾಳೀಯ ಎನ್ನುವುದು ಗೊತ್ತಾಗುತ್ತದೆ.
ಲಂಕಾ ವಿರುದ್ಧದ ಪಂದ್ಯಕ್ಕೆ ಮೊದಲು ಕೊಹ್ಲಿ ಮೈದಾನಕ್ಕೆ ಬರುವ ದಾರಿಯಲ್ಲಿ ಪಾಕ್ ಮೂಲದ ಪತ್ರಕರ್ತೆ ಝೈನಬ್ ಅಬ್ಬಾಸ್ ಎದುರಾಗಿದ್ದರು. ಸಹಜವಾಗಿ ಕೊಹ್ಲಿ ಜತೆ ಒಂದು ಸೆಲ್ಫೀ ತೆಗೆಸಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ. ಇದಕ್ಕೂ ಕೊಹ್ಲಿ ಔಟಾಗುವುದಕ್ಕೂ ಏನು ಸಂಬಂಧ ಎಂಬ ಕುತೂಹಲವೇ?
ದ. ಆಫ್ರಿಕಾ ಬ್ಯಾಟ್ಸ್ ಮನ್ ಎಬಿಡಿ ವಿಲಿಯರ್ಸ್ ಕೂಡಾ ಮೊನ್ನೆ ಪಾಕ್ ವಿರುದ್ಧದ ಪಂದ್ಯಕ್ಕೆ ಮೊದಲು ಈ ಚೆಲುವೆಯೊಂದಿಗೆ ಸೆಲ್ಫೀಗೆ ಪೋಸ್ ನೀಡಿದ್ದರು. ಆ ಪಂದ್ಯದಲ್ಲಿ ಎಬಿಡಿ ಶೂನ್ಯಕ್ಕೆ ಔಟಾಗಿದ್ದರು!
ಇದೇ ಕಾರಣಕ್ಕೆ ಟ್ವಿಟರಿಗರು ಈ ಚೆಲುವೆಯ ಜನ್ಮ ಜಾಲಾಡುತ್ತಿದ್ದಾರೆ. ಈಕೆ ಯಾವೆಲ್ಲಾ ಬ್ಯಾಟ್ಸ್ ಮನ್ ಗಳ ಜತೆಗೆ ಸೆಲ್ಫೀ ತೆಗೆಸಿಕೊಳ್ಳುತ್ತಾಳೋ ಆ ಬ್ಯಾಟ್ಸ್ ಮನ್ ಗಳು ಶೂನ್ಯಕ್ಕೆ ಔಟಾಗುತ್ತಾರೆ. ಅದೇ ರೀತಿ ಕೊಹ್ಲಿಯೂ ಔಟಾದರು ಎಂದು ಹುಚ್ಚು ಅಭಿಮಾನಿಗಳು ಪಾಕ್ ಪತ್ರಕರ್ತೆಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
