ಮುಂಬೈ: ನಾಯಕನಿಗೂ ಮೆಚ್ಚುಗೆಯಾಗುವಂತಹ ಟೀಂ ಇಂಡಿಯಾ ನೂತನ ಕೋಚ್ ಯಾರಾಗಬಹುದು ಬಿಸಿಸಿಐ ಮತ್ತು ಅದರ ಕ್ರಿಕೆಟ್ ಸಲಹಾ ಸಮಿತಿ ಭಾರತದಲ್ಲಿ ತಲೆಕೆಡಿಸಿಕೊಂಡು ಕೂತಿದ್ದರೆ ಅತ್ತ ವಿರಾಟ್ ಕೊಹ್ಲಿ ಮಾತ್ರ ಅಮೆರಿಕಾದಲ್ಲಿ ತಣ್ಣಗೆ ಕಾಲ ಕಳೆಯುತ್ತಿದ್ದಾರೆ.
ವೆಸ್ಟ್ ಇಂಡೀಸ್ ಸರಣಿ ಮುಗಿಸಿರುವ ಕೊಹ್ಲಿಗೆ ಲಂಕಾ ಸರಣಿಗೂ ಮೊದಲು ಕೆಲ ದಿನ ಬ್ರೇಕ್ ಸಿಕ್ಕಿದೆ. ಅದನ್ನು ಗೆಳತಿ ಅನುಷ್ಕಾ ಜತೆ ಸುತ್ತಾಡುವುದಕ್ಕೆ ಬಳಸಿಕೊಂಡಿದ್ದಾರೆ. ಅಮೆರಿಕಾದ ಬೀದಿಯಲ್ಲಿ ಕೈ ಕೈ ಹಿಡಿದುಕೊಂಡು ಇಬ್ಬರೂ ಆರಾಮವಾಗಿ ಸುತ್ತಾಡುವ ಫೋಟೋಗಳು ಇದೀಗ ವೈರಲ್ ಆಗಿವೆ.
ಈ ಹಿಂದೆಯೂ ಹಲವು ಬಾರಿ ಈ ಜೋಡಿ ಹಲವು ಕಡೆ ಸುತ್ತಾಡಿ ಸುದ್ದಿ ಮಾಡಿತ್ತು. ಸದ್ಯಕ್ಕೆ ತಮ್ಮ ಬ್ಯುಸಿ ಶೆಡ್ಯೂಲ್ ನ ಮಧ್ಯೆಯೂ ಅನುಷ್ಕಾ ಗೆಳೆಯನಿಗಾಗಿ ಸಮಯ ಮೀಸಲಿಟ್ಟಿದ್ದಾರೆ.