ಭಾರತ ತಂಡದ ಸ್ಪೋಟಕ ಬ್ಯಾಟ್ಸಮನ್ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಪ್ರೀತಿ-ಪ್ರೇಮದ ವಿಷಯ ಎಲ್ಲರಿಗೂ ತಿಳಿದಿರುವ ವಿಚಾರ. ಅವರಿಬ್ಬರು ಸದ್ಯದಲ್ಲಿಯೇ ಮದುವೆಯಾಗಲಿದ್ದಾರೆ. ಎರಡು ಕಡೆಯ ಪರಿವಾರದವರು ಸಹ ಮದುವೆಗೆ ಸೈ ಎಂದಿದ್ದಾರೆ ಎಂದು ಹೇಳಲಾಗುತ್ತಿದೆ.
ವಿಶ್ವಕಪ್ ಸೆಮಿಫೈನಲ್ ಸೋಲಿನ ನಂತರ ಈ ಪ್ರೇಮಿಗಳ ಮೇಲೆ ಟೀಕಾ ಪ್ರಹಾರವೇ ನಡೆದಿತ್ತು. ಭಾರತದ ಸೋಲಿಗೆ ಪರೋಕ್ಷವಾಗಿ ಅನುಷ್ಕಾರವರೇ ಕಾರಣ ಎಂಬಂತೆ ಬಿಂಬಿಸಲಾಗಿತ್ತು. ಕೊಹ್ಲಿಯ ಕಳಪೆ ಪ್ರದರ್ಶನಕ್ಕೆ ಅನುಷ್ಕಾರವರನ್ನು ಹೊಣೆಗಾರಳನ್ನಾಗಿಸಿ ಅಣಕವಾಡಲಾಗಿತ್ತು.
ಆದರೆ ಈ ಕಠಿಣ ಪರಿಸ್ಥಿತಿ ಅವರಿಬ್ಬರ ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸಿತು. ವಿಶ್ವಕಪ್ ನಂತರ ಅವರಿಬ್ಬರು ಕೈ ಕೈ ಹಿಡಿದುಕೊಂಡೇ ಅನೇಕ ಬಾರಿ ಕಾಣಿಸಿಕೊಂಡರು. ಅದೇನೆ ಇರಲಿ ಇವರಿಬ್ಬರು ಬಾಲ್ಯ ಸ್ನೇಹಿತರು ಎಂಬ ವಿಚಾರ ನಿಮಗೆ ಗೊತ್ತೇ? ನಟಿಮಟಿಯ ಪರಿವಾರದವರು ವಿರಾಟ್‌ನನ್ನು ಪುಟ್ಟ ಹುಡುಗನಾಗಿದ್ದಾಗಿನಿಂದ ಬಲ್ಲರು ಮತ್ತು ಅವರು ಆತನನ್ನು ತುಂಬ ಇಷ್ಟ ಪಡುತ್ತಾರಂತೆ.
ಖಾಸಗಿ ಸುದ್ದಿವಾಹಿನಿಯೊಂದರ ಪ್ರಕಾರ ಅನುಷ್ಕಾರವರ ಅಜ್ಜಿಗೆ ಅವರಿಬ್ಬರ ಸಂಬಂಧ ಆದಷ್ಟು ಬೇಗ ಮದುವೆಯಲ್ಲಿ ಮುಕ್ತಾಯ ಕಾಣಲಿ ಎಂಬ ಬಯಕೆಯಂತೆ. ತಮ್ಮ ಅಜ್ಜಿಯ ಮನದಾಸೆಯನ್ನು ಅನುಷ್ಕಾ ಎಷ್ಟು ಬೇಗ ಪೂರೈಸುತ್ತಾರೆ ಎಂಬುದನ್ನು ಅವರೇ ಹೇಳಬೇಕು.