ಟ್ವಿಟರ್ ನಲ್ಲಿ ಬ್ರಿಟಿಷ್ ಪತ್ರರ್ತನಿಗೆ ವೀರೇಂದ್ರ ಸೆಹ್ವಾಗ್ ಕೊಟ್ಟ ತಕ್ಕ ಉತ್ತರವಿದು

ನವದೆಹಲಿ: ಮೈದಾನದಲ್ಲಿದ್ದಾಗಲೂ ಅಷ್ಟೇ ಹೊರಗಿದ್ದಾಗಲೂ ಅಷ್ಟೇ. ಸೆಹ್ವಾಗ್ ಯಾವತ್ತೂ ತನ್ನ ಸುತ್ತಲಿದ್ದವರನ್ನು ರಂಜಿಸದೇ ಇರುವುದಿಲ್ಲ. ಹೊಸ ವರ್ಷದಂದು ಅವರು ಮತ್ತು ಬ್ರಿಟಿಷ್ ಪತ್ರಕರ್ತ ಪೀರ್ಸ್ ಮಾರ್ಗನ್ ನಡುವೆ ನಡೆದ ಟ್ವಿಟರ್ ಸಂಭಾಷಣೆ ನಿಮ್ಮ ಮೊಗದಲ್ಲಿ ಖಂಡಿತಾ ನಗು ಮೂಡಿಸದೇ ಇರದು.

2016 ರಲ್ಲಿ ನನ್ನೊಂದಿಗೆ ಕಳೆದ ಉತ್ತಮ ಕ್ಷಣಗಳು ಯಾವುವು ಎಂದು ಸೆಹ್ವಾಗ್ ಅಭಿಮಾನಿಗಳಿಗೆ ಕೇಳಿದ್ದರು. ಇದಕ್ಕೆ ಅವರ ಹಿಂದಿನ ಟ್ವಿಟರ್ ವೈರಿ ಮಾರ್ಗನ್ ನನ್ನನ್ನು ಭಾರತದಲ್ಲಿ 1000 ಕ್ಕೂ ಹೆಚ್ಚು ಮಂದಿ ಫಾಲೋ ಮಾಡುವಂತೆ ಮಾಡಿ ಜನಪ್ರಿಯಗೊಳಿಸಿದ ನಿಮ್ಮ ಟ್ವೀಟ್ ಎಂದು ತಕ್ಷಣ ಉತ್ತರಿಸಿದರು.

ಎದುರಾಳಿಗಳು ಫುಲ್ ಟಾಸ್ ಹಾಕಿದರೆ ವೀರೂ ಸುಮ್ಮನಿರುವುದು ಉಂಟೇ? ಒಳ್ಳೆದಾಗಲಿ, ಭಾರತೀಯರ ಹೃದಯ ದೊಡ್ಡದು ಎಂದು ಪ್ರತಿಕ್ರಿಯಿಸಿದರು. ಅಂತೂ ಮತ್ತೊಮ್ಮೆ ಪೀರ್ಸ್ ವೀರೂ ಕೆಣಕಲು ಹೋಗಿ ತಕ್ಕ ಉತ್ತರ ಪಡೆದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ