ವಿರಾಟ್ ಕೊಹ್ಲಿ ಯಶಸ್ಸು, ಎಂಎಸ್ ಧೋನಿಗೆ ಆಪತ್ತು

ಕೋಲ್ಕೊತ್ತಾ: ಟೀಂ ಇಂಡಿಯಾ ಟೆಸ್ಟ್ ತಂಡದ ನಾಯಕರಾಗಿ ವಿರಾಟ್ ಕೊಹ್ಲಿ ಯಶಸ್ಸು ಕಾಣುತ್ತಿರುವುದು, ಸೀಮಿತ ಓವರ್ ಗಳ ನಾಯಕ ಎಂಎಸ್ ಧೋನಿ ಸ್ಥಾನಕ್ಕೆ ಕುತ್ತು ತಂದಿದೆ ಎಂದು ಮಾಜಿ ನಾಯಕ ಸೌರವ್ ಗಂಗೂಲಿ ಹೇಳಿದ್ದಾರೆ.

ಮುಂದೊಂದು ದಿನ ಕೊಹ್ಲಿ ಏಕದಿನಕ್ಕೂ ನಾಯಕರಾಗುವುದು ನಿಶ್ಚಿತ. ಆದರೆ ಯಾವಾಗ ಎನ್ನುವುದಷ್ಟೇ ಬಾಕಿ. ಮುಂಬರುವ ವಿಶ್ವಕಪ್ ಗಮನದಲ್ಲಿಟ್ಟುಕೊಂಡು ಯಾರನ್ನು ನಾಯಕರಾಗಿಸಬೇಕು ಎಂದು ಆಯ್ಕೆಗಾರರು ಮುಂಬರುವ ನಾಯಕರ ಬಗ್ಗೆ ತೀರ್ಮಾನಿಸಬಹುದು. ಹೀಗಾಗಿ ಮುಂದಿನ ಇಂಗ್ಲೆಂಡ್ ಏಕದಿನ ಸರಣಿ ಧೋನಿ ಪಾಲಿಗೆ ನಿರ್ಣಾಯಕ ಎಂದು ಗಂಗೂಲಿ ಹೇಳಿದ್ದಾರೆ.

ಈ ಹಿಂದೆ ಎಂಎಸ್ ಧೋನಿ 2019 ರ ವಿಶ್ವಕಪ್ ವರೆಗೆ ಆಡುವ ಇಂಗಿತ ವ್ಯಕ್ತಪಡಿಸಿದ್ದರು. ಹೀಗಾಗಿ ಸಹಜವಾಗಿ ಮುಂದಿನ ಏಕದಿನ ಸರಣಿಗಳನ್ನು ಗೆಲ್ಲಲು ಧೋನಿ ಮೇಲೆ ಒತ್ತಡವಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ