ಮೊಹಾಲಿ ಟೆಸ್ಟ್ ಪಂದ್ಯಕ್ಕೆ ಮುನ್ನ ಗೆಳತಿ ಅನುಷ್ಕಾ ಶರ್ಮಾ ಜತೆ ಸುತ್ತಾಡಿದ ವಿರಾಟ್ ಕೊಹ್ಲಿ

ಮೊಹಾಲಿ: ಮೂರನೇ ಟೆಸ್ಟ್ ಗೆ ಮುನ್ನ ರಿಲ್ಯಾಕ್ಸ್ ಮಾಡಿಕೊಳ್ಳುತ್ತಿರುವ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಗೆಳತಿ ಅನುಷ್ಕಾ ಶರ್ಮಾ ಸುತ್ತಾಡುತ್ತಾ ಜಾಲಿಯಾಗಿ ಕಾಲ ಕಳೆದಿದ್ದಾರೆ.

ಕೊಹ್ಲಿ ಮಾತ್ರವಲ್ಲಇತರ ಕೋಚ್ ಅನಿಲ್ ಕುಂಬ್ಳೆ ಸೇರಿದಂತೆ ಸಹಾಯಕ ಸಿಬ್ಬಂದಿಗಳೂ ಕೂಡಾ ಚಂಢೀಗಢದ ಪ್ರೇಕ್ಷಣೀಯ ಸ್ಥಳಗಳನ್ನು ಸುತ್ತಾಡಿ ರಿಲ್ಯಾಕ್ಸ್ ಮಾಡಿಕೊಂಡಿದ್ದಾರೆ. ಇನ್ನು ಕೆಲವು ಆಟಗಾರರು ಹೊಟೇಲ್ ಕೊಠಡಿಯಲ್ಲೇ ಉಳಿದುಕೊಂಡಿದ್ದಾರೆ. ಇಂಗ್ಲೆಂಡ್ ತಂಡ ಕೂಡಾ ಗಾಲ್ಫ್ ಆಡುತ್ತಾ ಕ್ರಿಕೆಟ್ ಗೆ ಎರಡು ದಿನದ ಮಟ್ಟಿಗೆ ರೆಸ್ಟ್ ನೀಡಿದೆ.

ಇನ್ನು ಟೀಂ ಇಂಡಿಯಾ ಆಟಗಾರ ಯುವರಾಜ್ ಸಿಂಗ್ ಇದೇ ಚಂಡೀಗಢದಲ್ಲಿ ಕೀತ್ ಹೇಝಲ್ ಅವರನ್ನು ವಿವಾಹವಾಗಲಿದ್ದು, ಈ ಪ್ರಯುಕ್ತ ನವಂಬರ್ 29 ರಂದು ಸಹ ಆಟಗಾರರಿಗಾಗಿ ಪಾರ್ಟಿ ಆಯೋಜಿಸಲಿದ್ದಾರೆ ಎನ್ನಲಾಗಿದೆ. ಅಂತೂ ಟೀಂ ಇಂಡಿಯಾಗೆ ಈಗ ಫುಲ್ ಸೆಲೆಬ್ರೇಷನ್ ಕಾಲ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ