ಎಂಎಸ್ ಧೋನಿಗೆ ಟಾಯ್ಲೆಟ್ ಗೆ ಹೋಗಲು ಸಹಾಯ ಮಾಡಿದ್ದ ವಿರಾಟ್ ಕೊಹ್ಲಿ!

ನವದೆಹಲಿ: ಕ್ರಿಕೆಟ್ ನಲ್ಲಿ ಹಲವು ತಮಾಷೆಯ ಸಂಗತಿಗಳು ನಡೆಯುತ್ತವೆ. ಕೆಲವೊಂದು ಎಷ್ಟೋ ಸಮಯದ ನಂತರ ಬಹಿರಂಗವಾಗುತ್ತದೆ. ಅಂತಹದ್ದೊಂದು ಘಟನೆಯಲ್ಲಿ ಇದೂ ಒಂದು.

2015 ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಢಾಕಾದ ಮೈದಾನದಲ್ಲಿ ಪಂದ್ಯ ನಡೆಯುತ್ತಿರುವಾಗ ಒಂದು ಓವರ್ ವಿರಾಟ್ ಕೊಹ್ಲಿ ಕೀಪಿಂಗ್ ಮಾಡಿದ್ದರು. ಕಾರಣವೇನು ಗೊತ್ತಾ? ಖಾಯಂ ಕೀಪರ್ ಧೋನಿಗೆ ಟಾಯ್ಲೆಟ್ ಗೆ ಹೋಗಲು ಅವಸರವಾಗಿತ್ತಂತೆ. ಆದರೆ ಇನ್ನೂ 6 ಓವರ್ ಪಂದ್ಯ ಮುಗಿಯಲು ಬಾಕಿಯಿತ್ತು.

ಈ ಸಂದರ್ಭದಲ್ಲಿ ಅನಿವಾರ್ಯವಾಗಿ ಧೋನಿ ಗ್ಲೌಸ್ ತೊಟ್ಟು ಕೊಹ್ಲಿ ಕೀಪಿಂಗ್ ಮಾಡಿದ್ರು. ಆಗ  ಉಮೇಶ್ ಯಾದವ್ ಬೌಲಿಂಗ್ ಮಾಡುತ್ತಿದ್ದರು. ಆಟದ ಮಧ್ಯೆ ಟಾಯ್ಲೆಟ್ ಗೆ ಹೋಗುವ ವಿಚಾರದಲ್ಲಿ ಆಟಗಾರರು ಬ್ರೇಕ್ ತೆಗೆದುಕೊಳ್ಳುವ ಬಗ್ಗೆ ಕ್ರಿಕೆಟ್ ನಲ್ಲಿ ವಿಶೇಷ ನಿಯಮಾವಳಿ ಇಲ್ಲ. ಏನೇ ಆದರೂ, ಕೊಹ್ಲಿಯ ಕೀಪಿಂಗ್ ವಿಡಿಯೋ ಈಗ ಯೂ ಟ್ಯೂಬ್ ನಲ್ಲಿ ಭಾರೀ ಹಿಟ್ ಪಡೆದಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ