ವಿರಾಟ್ ಕೊಹ್ಲಿಗೆ ಸಾರಿ ಎಂಬ ಆಂಗ್ಲ ಪದದ ಸ್ಪೆಲ್ಲಿಂಗ್ ಗೊತ್ತಿಲ್ಲವಂತೆ!

ಸಿಡ್ನಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅರಳು ಹುರಿದಂತೆ ಇಂಗ್ಲಿಷ್ ಮಾತಾಡುತ್ತಾರೆ. ಅವರಿಗೆ ಇಂಗ್ಲಿಷ್ ಭಾಷೆಯ ಸಾರಿ ಶಬ್ದದ ಸ್ಪೆಲ್ಲಿಂಗ್ ಗೊತ್ತಿಲ್ಲವಂತೆ!

ಹಾಗಂತ ಹೇಳಿದ್ದು, ಕ್ರಿಕೆಟ್ ಆಸ್ಟ್ರೇಲಿಯಾದ ಮುಖ್ಯಸ್ಥ ಜೇಮ್ಸ್ ಸುದರ್ ಲ್ಯಾಂಡ್. ಅದೂ ವ್ಯಂಗ್ಯವಾಗಿ. ರೇಡಿಯೋ ಒಂದಕ್ಕೆ ಸಂದರ್ಶನ ನೀಡುವಾಗ ಸುದರ್ ಲ್ಯಾಂಡ್, ಭಾರತೀಯ ನಾಯಕನ ವರ್ತನೆ ಬಗ್ಗೆ ಕೇಳಿದ ಪ್ರಶ್ನೆಗೆ ಈ ರೀತಿ ವ್ಯಂಗ್ಯವಾಗಿ ಉತ್ತರಿಸಿದ್ದಾರೆ.

ಆತನಿಗೆ ಸಾರಿ ಶಬ್ದದ ಸ್ಪೆಲ್ಲಿಂಗ್ ಗೊತ್ತಿದೆಯೋ ಇಲ್ಲವೋ ಎಂಬುದೇ ನನಗೆ ಡೌಟು ಎಂದಿದ್ದಾರೆ. ಬೆಂಗಳೂರು ಟೆಸ್ಟ್ ಪಂದ್ಯದಲ್ಲಿ ಡಿಆರ್ ಎಸ್ ವಿವಾದದ ಬಗ್ಗೆ ಸ್ಟೀವ್ ಸ್ಮಿತ್ ರನ್ನು ಚೀಟರ್ ಎಂದಿದ್ದಕ್ಕೆ ಕೊಹ್ಲಿ ಕ್ಷಮೆ ಕೇಳಬೇಕಿತ್ತೇ ಎಂದು ಸಂದರ್ಶಕರು ಪ್ರಶ್ನೆ ಕೇಳಿದ್ದರು. ಅದಕ್ಕೆ ಸುದರ್ ಲ್ಯಾಂಡ್ ಉತ್ತರ ಹೀಗಿತ್ತು.

‘ಉಭಯ ತಂಡಗಳ ನಡುವೆ ಇರುವ ವೈಷಮ್ಯ ಧರ್ಮಶಾಲಾದಲ್ಲಿ ನಡೆಯಲಿರುವ ಅಂತಿಮ ಟೆಸ್ಟ್ ನಲ್ಲಾದರೂ ಕೊನೆಗೊಳ್ಳಲಿ. ಅದಾಗದಿದ್ದರೆ, ಕನಿಷ್ಟ ಪಕ್ಷ ಐಪಿಎಲ್ ಕೂಟದಲ್ಲಾದರೂ, ಅದಾಗಬಹುದು’ ಎಂದು ಸುದರ್ ಲ್ಯಾಂಡ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ