ಮಹೇಂದ್ರ ಸಿಂಗ್ ಧೋನಿಯವರ ಅನುಪಸ್ಥಿತಿಯಲ್ಲಿ ಭಾರತ ತಂಡದ ಸಾರಥ್ಯವನ್ನು ಸಮರ್ಥವಾಗಿ ನಿಭಾಯಿಸುತ್ತಿರುವ ವಿರಾಟ್ ಕೊಹ್ಲಿ ಈಗ ತಮ್ಮ ಫಾರ್ಮ್‌ಗೆ ಮರಳಿದ್ದಾರೆ. ರವಿವಾರ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಅರ್ಧ ಶತಕ ದಾಖಲಿಸಿದ ಅವರು, ಆ ಮೂಲಕ 6,000 ರನ್‌ಗಳ ಮೈಲಿಗಲ್ಲನ್ನು ದಾಟಿದರು. ಆ ಸಂದರ್ಭದಲ್ಲಿ ವೀಕ್ಷಕರ ಗ್ಯಾಲರಿಯಲ್ಲಿ ಕುಳಿತು ಪಂದ್ಯ ವೀಕ್ಷಿಸುತ್ತಿದ್ದ ತಮ್ಮ ಪ್ರೇಯಸಿ , ನಟಿ ಅನುಷ್ಕಾ ಶರ್ಮಾರ ಕಡೆ ಹೂ ಮುತ್ತನ್ನು ತೇಲಿ ಬಿಟ್ಟು ತಮ್ಮ ಸಂಭ್ರಮವನ್ನು ವ್ಯಕ್ತಪಡಿಸಿದರು.
ಈ ಸಾಧನೆಯೊಂದಿಗೆ ಕೊಹ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಅತಿ ವೇಗದಲ್ಲಿ 6,000 ರನ್ ಪೂರೈಸಿದ ವಿಶ್ವದಾಖಲೆಗೆ ಭಾಜನರಾದರು. ಕೇವಲ 136 ಪಂದ್ಯಗಳಲ್ಲಿ 6,000 ರನ್ ಕೂಡಿ ಹಾಕಿರುವ ಅವರು, ಈ ಗುರಿಯನ್ನು ಸಾಧಿಸಲು 141 ಪಂದ್ಯಗಳನ್ನು ಬಳಸಿಕೊಂಡಿದ್ದ ವೆಸ್ಟ್ ಇಂಡಿಸ್‌ನ ಮಾಜಿ ಆಟಗಾರ ವಿವಿಯನ್ ರಿಚರ್ಡ್ಸ್ ದಾಖಲೆಯನ್ನು ಮುರಿದಿದ್ದಾರೆ.
ಭಾರತೀಯರ ಬಗ್ಗೆ ಹೇಳುವುದಾದರೆ ಈ ದಾಖಲೆ ಇಲ್ಲಿಯವರೆಗೆ ಮಾಜಿ ಕ್ಯಾಪ್ಟನ್ ಸೌರವ್ ಹೆಸರಲ್ಲಿತ್ತು. ಅವರು ಈ ಮೈಲಿಗಲ್ಲನ್ನು ದಾಟಲು 147 ಪಂದ್ಯಗಳನ್ನು ತೆಗೆದುಕೊಂಡಿದ್ದರು.
ವೇಗವಾಗಿ 6 ಸಾವಿರ ರನ್ ಪೂರ್ಣಗೊಳಿಸಿದ ಟಾಪ್ -5 ಬ್ಯಾಟ್ಸ್‌ಮನ್‌ಗಳೆಂದರೆ;