ಲಂಕಾ ವಿರುದ್ಧ ಸೋತ ನಂತರ ಡ್ರೆಸ್ಸಿಂಗ್ ರೂಂನಲ್ಲಿ ಕೂಗಾಡಿದ್ದ ಕೊಹ್ಲಿ

ಲಂಡನ್: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಮೂಗಿನ ಮೇಲೇ ಕೋಪ ಎನ್ನುವುದು ಎಲ್ಲರಿಗೂ ಗೊತ್ತಿರುವ ಸಂಗತಿಯೇ. ಅಂತಿಪ್ಪ ಕೊಹ್ಲಿ ಶ್ರೀಲಂಕಾ ವಿರುದ್ಧ ಸೋತ ಮೇಲೆ ಡ್ರೆಸ್ಸಿಂಗ್ ರೂಂನಲ್ಲಿ ಸಹಜವಾಗಿಯೇ ಕೋಪಗೊಂಡಿದ್ದರಂತೆ.

ಅದೇ ಕೋಪದಲ್ಲೇ ತಂಡದ ಸದಸ್ಯರನ್ನೆಲ್ಲಾ ಕರೆದ ಕೊಹ್ಲಿ ತಮ್ಮ ಸಿಟ್ಟನ್ನೆಲ್ಲಾ ಹೊರ ಹಾಕಿ ಮುಂದಿನ ಪಂದ್ಯಕ್ಕೆ ತಯಾರು ಮಾಡಿದ್ದರಂತೆ! ಹಾಗೊಂದು ಸುದ್ದಿ ಹಬ್ಬಿದೆ.

ಸಭೆಯಲ್ಲಿ ಕೊಹ್ಲಿ ಆವೇಶಭರಿತರಾಗಿ ಮಾತನಾಡಿದ್ದರಂತೆ. ಅಲ್ಲದೆ ತಮ್ಮನ್ನೂ ಸೇರಿಸಿ ಎಲ್ಲರೂ ಚೆನ್ನಾಗಿ ಆಡಬೇಕು. ಒಂದೊಂದು ನೆಪ ಹೇಳುತ್ತಾ ಕೂರಬಾರದು. ಮಿಲಿಯನ್ ಗಟ್ಟಲೆ ಜನರ ಪೈಕಿ ನಮ್ಮನ್ನು ಆಯ್ಕೆ ಮಾಡಿರುವುದು ಶ್ರೇಷ್ಠತೆಯ ಆಧಾರದಲ್ಲಿ.

ಅದನ್ನು ಬಿಟ್ಟು ಮತ್ತೆ ಮತ್ತೆ ತಪ್ಪು ಮಾಡುತ್ತಾ ಕೂರಬಾರದು. ಎಲ್ಲರೂ ಒಟ್ಟಾಗಿ ಚೆನ್ನಾಗಿ ಆಡಿ ಗೆಲ್ಲಬೇಕು. ದೇಶಕ್ಕಾಗಿ ಚೆನ್ನಾಗಿ ಆಡಿ ಗೆಲ್ಲಬೇಕು’ ಎಂದು ಕೊಹ್ಲಿ ಆವೇಶಭರಿತರಾಗಿ ಮಾತನಾಡಿದ್ದರಂತೆ. ಅದಕ್ಕೇ ಏನೋ ನಿನ್ನೆಯ ಪಂದ್ಯದಲ್ಲಿ ಎಲ್ಲಾ ಆಟಗಾರರೂ ಸಾಂಘಿಕ ಹೋರಾಟ ನಡೆಸಿದರು.

http://kannada.fantasycricket.webdunia.com
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ