ಭಾರತದ ಕ್ರಿಕೆಟರುಗಳು ತಮ್ಮ ಬ್ರಹ್ಮಚಾರಿ ಜೀವನದ ಸಿಂಗಲ್ ಸ್ಥಿತಿಯಿಂದ ಹೊರಬಂದು ವಿವಾಹವಾಗುತ್ತಿರುವ ಪ್ರಸಕ್ತ ಪ್ರವೃತ್ತಿಗೆ ಅನುಗುಣವಾಗಿ ವೇಗಿ ಇಶಾಂತ್ ಶರ್ಮಾ ಕೂಡ ಬ್ಯಾಸ್ಕೆಟ್ ಬಾಲ್ ಆಟಗಾರ್ತಿ ಪ್ರತಿಮಾ ಸಿಂಗ್ ಜತೆ ನಿಶ್ಚಿತಾರ್ಥ ಮಾಡಿಕೊಂಡರು. ಒಂದು ಸಂದರ್ಭ ಹೊರತುಪಡಿಸಿ ಇಶಾಂತ್ ಶರ್ಮಾ ವಿವಾದಾತ್ಮಕ ಕಾರಣಗಳಿಗಾಗಿ ಸುದ್ದಿಯಲ್ಲಿರಲಿಲ್ಲ.
ತನ್ನ ಸಹಆಟಗಾರರಾದ ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯಾರಿಗೆ ಭಿನ್ನವಾಗಿ ಇಶಾಂತ್ ವೈಯಕ್ತಿಕ ಜೀವನ ಹೆಚ್ಚು ಪ್ರಾಮುಖ್ಯತೆ ಪಡೆದಿರಲಿಲ್ಲ. ಆದ್ದರಿಂದ ಅವರ ನಿಶ್ಚಿತಾರ್ಥದ ಸುದ್ದಿ ಅಚ್ಚರಿಯ ವಿಷಯವಾಗಿತ್ತು.
ಇಶಾಂತ್ ಮೂರು ವರ್ಷಗಳ ಹಿಂದೆ ನಾನು ದೆಹಲಿಯಲ್ಲಿ ಮಹಿಳಾ ಆಟಗಾರ್ತಿಯರಿಗೆ ಬ್ಯಾಸ್ಕೆಟ್ ಬಾಲ್ ಪಂದ್ಯಾವಳಿ ಆಯೋಜಿಸಿದಾಗ ನನ್ನ ಸೋದರಿಯನ್ನು ಭೇಟಿಯಾದ. ನಾವು ಐವರು ಒಡಹುಟ್ಟಿದವರು( ನಾಲ್ಕು ಸೋದರರು ಮತ್ತು ಒಬ್ಬ ಸೋದರ) ತುಂಬಾ ಆತ್ಮೀಯವಾಗಿದ್ದೆವು.
ಇಶಾಂತ್ ಅವಳನ್ನು ತನ್ನ ಜತೆಗೆ ತಿರುಗಾಡಲು ಬರುವಂತೆ ಕರೆದಾಗ ಮುಗ್ಧೆ ಸೋದರಿ, ನನ್ನ ಬಳಿ ಬಂದು ಅನುಮತಿ ಕೇಳಿದಳು. ಇಶಾಂತ್ ಕೂಡ ಒಳ್ಳೆಯ ಹುಡುಗನಾದ್ದರಿಂದ ನಾನು ನಂಬಿ ಅನುಮತಿಸಿದೆ. ಅವರು ಈಗ ಹಸೆಮಣೆಗೆ ಏರುವುದು ನನಗೆ ಸಂತಸವಾಗಿದೆ. ಡಿಸೆಂಬರ್‌ನಲ್ಲಿ ಅವರ ಮದುವೆಯಾಗುತ್ತದೆ ಎಂದು ಆಕಾಂಕ್ಷಾ ತಿಳಿಸಿದ್ದಾರೆ.
ಅನೇಕ ಅಂತಾರಾಷ್ಟ್ರೀಯ ಅಥ್ಲೀಟ್‌ಗಳ ರೀತಿ ಇಶಾಂತ್ ಮನೆಯಲ್ಲಿ ಕಡಿಮೆ ಸಮಯ ಕಳೆಯುತ್ತಾರೆ. ಪ್ರತಿಮಾ ಎಲ್ಲವನ್ನೂ ನಿಭಾಯಿಸಲು ಸಿದ್ಧರಿದ್ದಾರೆ. ''ಮನೆಯಲ್ಲಿ ಸುಂದರ ಪತ್ನಿಯಿರುವಾಗ ಅವರು ಬೇರೆಯವರತ್ತ ಏಕೆ ಕಣ್ಣು ಹಾಯಿಸುತ್ತಾರೆ. ನಾನು ಕೂಡ ಕ್ರೀಡಾಪಟುವಾಗಿದ್ದು, ಪ್ರಯಾಣ ಮಾಡುವುದು ಆಟದ ಒಂದು ಭಾಗ ಎಂದು ಅರ್ಥವಾಗುತ್ತದೆ. ನಾನು ಇಶಾಂತ್ ಜತೆ ಹೆಚ್ಚು ಪ್ರವಾಸ ಮಾಡಲು ಆಗುವುದಿಲ್ಲ ಎನ್ನುವುದು ಅವರಿಗೂ ಗೊತ್ತು'' ಎಂದು ಪ್ರತಿಮಾ ಹೇಳಿದ್ದಾರೆ.
ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಇಶಾಂತ್ ನಿಜವಾಗಲೂ ಅರಳಿದರು. ಕಳೆದ ವರ್ಷ ಶ್ರೀಲಂಕಾ ಟೆಸ್ಟ್ ಸರಣಿ ವಿಜಯದಲ್ಲಿ ಇಶಾಂತ್ ಮುಖ್ಯ ಪಾತ್ರ ವಹಿಸಿದ್ದರು. ಸೀಮಿತ ಓವರುಗಳ ತಂಡಕ್ಕೆ ವಾಪಸಾಗುವುದು ಇಶಾಂತ್ ಮುಂದಿನ ಗುರಿಯಾಗಿದೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.