ಹೈ ಡ್ರಾಮಾ ಬಳಿಕ ಟೀಂ ಇಂಡಿಯಾ ಕೋಚ್ ಘೋಷಣೆ

ಮುಂಬೈ: ಟೀಂ ಇಂಡಿಯಾ ಕೋಚ್ ಯಾರೆಂಬ ಪ್ರಶ್ನೆಗೆ ಬಿಸಿಸಿಐ ಕೊನೆಗೂ ತಡ ರಾತ್ರಿ ಹೈ ಡ್ರಾಮಾದ ಬಳಿಕ ಉತ್ತರ ನೀಡಿದೆ. ರವಿಶಾಸ್ತ್ರಿ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿದ್ದು, ಅವರ ಜತೆಗೆ ಹೊಸ ಕೋಚಿಂಗ್ ಟೀಂ ಘೋಷಣೆಯಾಗಿದೆ.

ರಾತ್ರಿ 10 ಗಂಟೆ ವೇಳೆಗೆ ಬಿಸಿಸಿಐ ರವಿಶಾಸ್ತ್ರಿ ಮುಖ್ಯ ಕೋಚ್ ಎಂದು ಘೋಷಣೆ ಮಾಡಿದೆ. ಆದರೆ ಮುಖ್ಯ ಕೋಚ್ ಆಗಿ ಸಂಪೂರ್ಣ ಅಧಿಕಾರ ನೀಡಿಲ್ಲ. ಅವರಿಗೆ ಜತೆಗಾರರಾಗಿ ಬೌಲಿಂಗ್ ಕೋಚ್ ಆಗಿ ಮಾಜಿ ವೇಗಿ ಜಹೀರ್ ಖಾನ್, ಕೆಲವು ನಿರ್ದಿಷ್ಟ ಸರಣಿಗಳಿಗೆ ರಾಹುಲ್ ದ್ರಾವಿಡ್ ರನ್ನು ನೇಮಿಸಲಾಗಿದೆ.

ನಿನ್ನೆ ಸಂಜೆ ರವಿಶಾಸ್ತ್ರಿ ಕೋಚ್ ಎಂದು ಘೋಷಣೆಯಾಗಿದ್ದರೂ, ನಂತರ ಬಿಸಿಸಿಐ ಕಾರ್ಯದರ್ಶಿ ಅಮಿತಾಭ್ ಚೌಧರಿ ಇದೆಲ್ಲಾ ಸುಳ್ಳು ಸುದ್ದಿ ಎಂದು ತಿಪ್ಪೆ ಸಾರಿದರು. ನಂತರ ತಡರಾತ್ರಿ ಎಲ್ಲಾ ಹೈಡ್ರಾಮಾಗಳಿಗೆ ತೆರೆ ಬಿದ್ದಿತ್ತು. ಇದರೊಂದಿಗೆ ಬಿಸಿಸಿಐ ನಾಯಕ ಕೊಹ್ಲಿ ಮಾತಿಗೆ ಮನ್ನಣೆ ನೀಡಿ ರವಿಶಾಸ್ತ್ರಿಗೆ ಮಣೆ ಹಾಕಿತು.

ಇದನ್ನೂ ಓದಿ.. ಇಂದೇ ಟೀಂ ಇಂಡಿಯಾ ಕೋಚ್ ಘೋಷಣೆ?

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ