ಇಂಗ್ಲೆಂಡ್‌ ಪ್ರವಾಸದಲ್ಲಿ ಭಾರತೀಯ ಕ್ರಿಕೆಟ್‌ ಆಟಗಾರರು ನೀಡಿದ ನಿರಾಶದಾಯಕ ಪ್ರದರ್ಶನ ನೀಡಿದ ಹಿನ್ನಲೆಯಲ್ಲಿ, ಈಗ ಯಾವುದೇ ಪ್ರವಾಸದಲ್ಲಿ ಯಾವುದೇ ಆಟಗಾರರು ತಮ್ಮ ಗರ್ಲ್‌ಫ್ರೆಂಡ್‌‌‌ಗಳನ್ನು ಜೊತೆಗೆ ಕರೆದುಕೊಂಡು ಬರಲು ಅನುಮತಿ ನೀಡಲಾಗುವುದಿಲ್ಲ ಎಂದು ಬಿಸಿಸಿಐ ಹೇಳಿಕೆ ನೀಡಿದೆ.
ಇಂಗ್ಲೆಂಡ್‌ ಪ್ರವಾಸದಿಂದ ನಮ್ಮ ತಪ್ಪುಗಳನ್ನು ತಿದ್ದಿಕೊಳ್ಳುವ ಸಂದರ್ಭ ಬಂದಿದೆ. ಟೀಂ ಇಂಡಿಯಾ ತಂಡದ ಕ್ರಿಕೆಟ್‌ ಆಟಗಾರ ಪ್ರದರ್ಶನ ನಿರಂತರವಾಗಿ ಕಳಪೆ ಮಟ್ಟದ್ದಾಗುತ್ತಿದೆ ಎಂದು ಬಿಸಿಸಿಐ ಅಸಮಾಧಾನ ವ್ಯಕ್ತಪಡಿಸಿದೆ.
ಆಟಗಾರರು ತಮ್ಮ ಆಟದ ಮೇಲೆ ಪ್ರಭುತ್ವ ಸಾಧಿಸಲು ಇಚ್ಛಿಸುತ್ತಿದ್ದಾರೆ, ಆದರೆ ಪತ್ನಿಯರಿಂದ ಕ್ರಿಕೆಟ್‌ ಮೇಲೆ ಗಮನ ಹರಿಸುವುದು ಕಷ್ಟವಾಗುತ್ತಿದೆ. ಕೆಲ ಆಟಗಾರರು ಈ ಸಮಯದಲ್ಲಿ ನೆಟ್‌ ಪ್ರ್ಯಾಕ್ಟಿಸ್‌ ಅಥವಾ ಜಿಮ್‌‌‌ಗೆ ಹೋಗಲು ಇಚ್ಛಿಸುತ್ತಾರೆ, ಆದರೆ ಇದರ ಬದಲು ಕೆಲವು ಬಾರಿ ಪತ್ನಿಯರ ಜೊತೆಗೆ ನಗರದಲ್ಲಿ ಸುತ್ತಾಡಲು ಹೋಗುತ್ತಾರೆ ಎಂದು ಬಿಸಿಸಿಐ ತಿಳಿಸಿದೆ.
ಪತ್ನಿಯರ ಜೊತೆಗೆ ಎಷ್ಟು ಸಮಯದವರೆಗೆ ಕಾಲ ಕಳೆಯಬಹುದು ಎನ್ನುವ ಬಗ್ಗೆ ಕೆಲ ಆಟಗಾರರು ತಮ್ಮಷ್ಟಕ್ಕೆ ತಾವೇ ಕೆಲ ನಿಯಮಗಳನ್ನು ಹಾಕಿಕೊಳ್ಳಲು ಬಯಸುತ್ತಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಇಲ್ಲಿಯವರೆಗೆ ಪತ್ನಿಯರು ಅಥವಾ ಗರ್ಲ್‌‌ಫ್ರೆಂಡ್‌ ಜೊತೆಗೆ ಕರೆದುಕೊಂಡು ಬರಲು ಆಟಗಾರರು ಬಿಸಿಸಿಐನಿಂದ ಮೊದಲು ಅನುಮತಿ ಪಡೆಯಬೇಕಾಗುತ್ತಿತ್ತು. ಇದರ ನಂತರ ಬಿಸಿಸಿಐ ಅವರ ಇಳಿದುಕೊಳ್ಳುವ ಮತ್ತು ಸ್ಟೇಡಿಯಂನಲ್ಲಿ ಕುಳಿತುಕೊಳ್ಳುವ ವ್ಯವಸ್ಥೆ ಮಾಡುತ್ತಿತ್ತು.
