ಲಂಡನ್: ಚಾಂಪಿಯನ್ಸ್ ಟ್ರೋಫಿ ಪಂದ್ಯಗಳ ಕಾಮೆಂಟರಿ ಬಾಕ್ಸ್ ನಲ್ಲಿ ವೀರೇಂದ್ರ ಸೆಹ್ವಾಗ್ ಮತ್ತು ಸೌರವ್ ಗಂಗೂಲಿ ಪಂದ್ಯಕ್ಕೆ ಮೊದಲು ಹಂಚಿಕೊಂಡ ಅಭಿಪ್ರಾಯ ಕೊಂಚ ಅತಿರೇಕಕ್ಕೆ ಪ್ರಸಂಗವೊಂದು ನಡೆದಿದೆ.
ಸೆಹ್ವಾಗ್ ತಮಾಷೆಯಾಗಿ ತಮ್ಮ ಕಾಮೆಂಟ್ ಹೇಳುತ್ತಾರೆ. ಅದೇ ರೀತಿ ಗಂಗೂಲಿಯನ್ನೂ ತಮಾಷೆ ಮಾಡಲು ಹೋಗಿ ಪೆಟ್ಟು ತಿಂದಿದ್ದಾರೆ. ವಿರಾಟ್ ಕೊಹ್ಲಿ ವಿಕೆಟ್ ನಡುವೆ ಚೆನ್ನಾಗಿ ಓಡಿ ರನ್ ಕದಿಯುತ್ತಾರೆ ಎಂದು ಸೆಹ್ವಾಗ್ ಹೇಳುತ್ತಾ, ತಮ್ಮ ಹಳೆಯ ಟೀಂ ಮೇಟ್ ಕೂಡಾ ವಿಕೆಟ್ ನಡುವೆ ಚೆನ್ನಾಗಿ ಓಡುತ್ತಿದ್ದರು ಎಂದು ತಮಾಷೆಯಾಗಿ ಗಂಗೂಲಿಗೆ ಹೇಳಿದರು.
ಇದಕ್ಕೆ ತಕ್ಷಣ ಪ್ರತಿಕ್ರಿಯಿಸಿದ ಗಂಗೂಲಿ, ಹೌದು ನಾನು ವಿಕೆಟ್ ನಡುವೆ ಚುರುಕಾಗಿ ಓಡುತ್ತಿದ್ದೆ ಎಂದರು. ಅದನ್ನು ತಮಾಷೆಯಾಗಿ ತೆಗೆದುಕೊಂಡ ಸೆಹ್ವಾಗ್, ಹೌದಾ? ನೀವು ಕೊಹ್ಲಿಗಿಂತಲೂ ಉತ್ತಮವಾಗಿ ಓಡುತ್ತಿದ್ದಿರೇ? ಎಂದು ಕಾಲೆಳೆದರು.
ಇದು ಗಂಗೂಲಿಗೆ ಪಥ್ಯವಾಗಲಿಲ್ಲ. ಹೀಗೇ ತಮಾಷೆಯಾಗಿಯೇ ಸಾಗಿದ ಇವರಿಬ್ಬರ ಸಂಭಾಷಣೆಗೆ ಕೊನೆಗೆ ಗಂಗೂಲಿ, ನೋಡಪ್ಪಾ ಇಲ್ಲದ್ದನ್ನೆಲ್ಲಾ ಹೇಳಬೇಡ. ಮುಂದೆ ನೀನು ನನ್ನ ಎದುರೇ ಕೋಚ್ ಹುದ್ದೆಗೆ ಸಂದರ್ಶನ ನೀಡಬೇಕು ಎಂದು ತೆರೆ ಎಳೆದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ