ಕರಾಚಿ: ಈ ಕ್ರಿಕೆಟಿಗ ನಿವೃತ್ತಿಯಾಗಿದ್ದಾರೆಂದೇ ಎಲ್ಲರೂ ಅಂದುಕೊಳ್ಳುತ್ತಿದ್ದರು. ಆದರೆ ನನಗೆ ಸದ್ಯಕ್ಕೆ ನಿವೃತ್ತಿಯಾಗುವ ಚಿಂತೆಯೇ ಇಲ್ಲ ಎಂದು ಅವರೇ ಹೇಳಿಕೊಂಡು ಅಚ್ಚರಿ ಮೂಡಿಸಿದ್ದಾರೆ.
ಅವರೇ ಶಾಹಿದ್ ಅಫ್ರಿದಿ. ಅವರು ಕ್ರಿಕೆಟ್ ಗೆ ನಿವೃತ್ತರಾಗುತ್ತಾರೆ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಅವರಿಗಾಗಿಯೇ ಒಂದು ವಿದಾಯ ಪಂದ್ಯ ಏರ್ಪಡಿಸುವುದನ್ನು ಎದುರು ನೋಡುತ್ತಿದ್ದಾರೆಂಬ ವದಂತಿಗಳಿಗೆ ಅವರು ಈ ಮೂಲಕ ಬ್ರೇಕ್ ಹಾಕಿದ್ದಾರೆ.
“ಪಿಸಿಬಿಗಿಂತ ಹೆಚ್ಚು ಅನುಭವ ನನಗಿದೆ. ನಾನು 20 ವರ್ಷಗಳಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿದ್ದೇನೆ. ನನಗೆ ಯಾರ ಹಂಗೂ ಇಲ್ಲ. ಒಂದು ಪಂದ್ಯಕ್ಕಾಗಿ ನಾನು ಯಾರ ಮುಂದೆಯೂ ಕೈ ಕಟ್ಟಿ ನಿಂತಿಲ್ಲ. ನನ್ನ ಬೆನ್ನಿಗೆ ಅಭಿಮಾನಿಗಳಿದ್ದಾರೆ” ಎಂದು ಅಫ್ರಿದಿ ಹೇಳಿಕೊಂಡಿದ್ದಾರೆ.
ಪಿಸಿಬಿ ಕೂಡಾ ಅವರಿಗಾಗಿ ವಿದಾಯ ಪಂದ್ಯ ಆಯೋಜಿಸು ವರದಿಗಳನ್ನು ನಿರಾಕರಿಸಿದೆ. ಸಮಯ ಬಂದಾಗ ನಾವೇ ಅವರಿಗೆ ವಿದಾಯ ಪಂದ್ಯ ಆಯೋಜಿಸುತ್ತೇವೆ ಎಂದು ಪಿಸಿಬಿ ಹೇಳಿಕೊಂಡಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ