ರಿಷಬ್ ಪಂತ್ ಗೆ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಧೋನಿಯಿಂದ ಕಲಿಯುವಾಸೆ!

ಮುಂಬೈ: ರಣಜಿ ಕ್ರಿಕೆಟ್ ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಕ್ಕೆ ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಟಿ ಟ್ವೆಂಟಿ ಸರಣಿಗೆ ಯುವ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ರಿಷಬ್ ಪಂತ್ ಗೆ ಅವಕಾಶ ನೀಡಲಾಗಿದೆ. ಇದೀಗ ಧೋನಿಯಿಂದ ಕಲಿಯುವ ಉತ್ಸಾಹದಲ್ಲಿ ರಿಷಬ್ ಇದ್ದಾರೆ.

ಸದ್ಯ ಡಿವೈ ಪಾಟೀಲ್ ಟಿ ಟ್ವೆಂಟಿ ಕಪ್ ನಲ್ಲಿ ಅದ್ಭುತ ಬ್ಯಾಟಿಂಗ್ ಮಾಡುತ್ತಿರುವ ರಿಷಬ್ ಗೆ ಇದು ಚೊಚ್ಚಲ ಟಿ ಟ್ವೆಂಟಿ ಅಂತಾರಾಷ್ಟ್ರೀಯ ಪಂದ್ಯವಾಗಲಿದೆ. “ಟೀಂ ಇಂಡಿಯಾಕ್ಕೆ ಆಯ್ಕೆಯಾಗಿರುವುದು ಸಂತಸ ತಂದಿದೆ” ಎಂದಿದ್ದಾರೆ.

“ನಾನು ಧೋನಿ ಭಾಯ್ ನಿಂದ ಕಲಿಯಬೇಕೆಂದು ಬಹಳ ದಿನಗಳಿಂದ ಆಸೆ ಹೊತ್ತುಕೊಂಡಿದ್ದೆ. ಆದರೆ ಅವರು ಬೇರೆ ತಂಡದಲ್ಲಿದ್ದುದರಿಂದ ಸಾಧ್ಯವಾಗಿರಲಿಲ್ಲ. ಈಗ ಅದು ಈಡೇರುತ್ತಿದೆ. ಖಂಡಿತವಾಗಿಯೂ ನಾನು ಅವರಿಂದ ಸಾಕಷ್ಟು ಕಲಿಯುತ್ತೇನೆ” ಎಂದು ರಿಷಬ್ ಹೇಳಿಕೊಂಡಿದ್ದಾರೆ. ಇದೇ ವೇಳೆ ಐಪಿಎಲ್ ಸಂದರ್ಭ ತನಗೆ ಶಿಸ್ತಿನ ಪಾಠ ಹೇಳಿದ ರಾಹುಲ್ ದ್ರಾವಿಡ್ ರನ್ನೂ ಅವರು ಸ್ಮರಿಸಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ