ಟೀಂ ಇಂಡಿಯಾಗೆ ಈಗ ಅನಿಲ್ ಕುಂಬ್ಳೆಯಂತಹ ಹೆಡ್ ಮಾಸ್ಟರ್ ಬೇಕು!

ಸಿಡ್ನಿ: ಆಸ್ಟ್ರೇಲಿಯಾ ವಿರುದ್ಧ ಯದ್ವಾ ತದ್ವಾ ರನ್ ಚಚ್ಚಿಸಿಕೊಂಡ ಬಳಿಕ ಟೀಂ ಇಂಡಿಯಾ ಬೌಲರ್ ಗಳು, ನಾಯಕ ಕೊಹ್ಲಿ, ಕೋಚ್ ರವಿ ಶಾಸ್ತ್ರಿ ಇನ್ನಿಲ್ಲದಂತೆ ನೆಟ್ಟಿಗರಿಂದ ರೋಸ್ಟ್ ಆಗಿದ್ದಾರೆ.

ಅತೀ ಹೆಚ್ಚು ಟ್ರೋಲ್ ಆಗಿರುವುದು ಕೋಚ್ ರವಿ ಶಾಸ್ತ್ರಿ ಮತ್ತು ನಾಯಕ ಕೊಹ್ಲಿ. ಹಲವರು ರವಿಶಾಸ್ತ್ರಿಯನ್ನು ಕಿತ್ತೊಗೆಯದ ವಿನಹ ಭಾರತಕ್ಕೆ ಗೆಲುವು ಸಿಗದು. ಅಜಿಂಕ್ಯಾ ರೆಹಾನೆ, ಅಶ್ವಿನ್ ರಂತಹ ಉತ್ತಮ ಆಟಗಾರರನ್ನು ಮೂಲೆಗುಂಪು ಮಾಡಿ ರವಿಶಾಸ್ತ್ರಿ ಕೋಚಿಂಗ್ ಬಿಡಿ ಆಟಗಾರರ ಆಯ್ಕೆಗೂ ತಾವು ಲಾಯಕ್ಕಲ್ಲ ಎಂದು ನಿರೂಪಿಸಿದ್ದಾರೆ. ವಿಪರ್ಯಾಸವೆಂದರೆ ಕೊಹ್ಲಿಗೆ ಅನಿಲ್ ಕುಂಬ್ಳೆಯಂತಹ ಶಿಸ್ತಿನ, ವೃತ್ತಿಪರ ಕೋಚ್ ಇಷ್ಟವಾಗಲ್ಲ. ಅವರಿಗೆ ರವಿಶಾಸ್ತ್ರಿಯಂತಹ ಜಾಲಿ ಮನುಷ್ಯನೇ ಬೇಕು ಎಂದು ಟ್ವಿಟರಿಗರು ವಿವಿಧ ಮೆಮೆಗಳ ಮೂಲಕ ಆಕ್ರೋಶ ಹೊರ ಹಾಕಿದ್ದಾರೆ.