ಮೊಹಾಲಿ: ಕಪಿಲ್ ದೇವ್ ನಂತರ ಟೀಂ ಇಂಡಿಯಾ ಕಂಡ ಅದ್ಭುತ ಆಲ್ ರೌಂಡರ್ ರವಿಚಂದ್ರನ್ ಅಶ್ವಿನ್ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಹಾಗಿರುವ ಅಶ್ವಿನ್ ಈಗ ಕಪಿಲ್ ಸರಿಸಮನಾದ ದಾಖಲೆ ಮಾಡಿದ್ದಾರೆ.
ಇಂಗ್ಲೆಂಡ್ ವಿರುದ್ಧ ಮೂರನೇ ಟೆಸ್ಟ್ ನ ಎರಡನೇ ದಿನದಾಟದಲ್ಲಿ ಭಾರತವನ್ನು ಅದ್ಭುತ ಬ್ಯಾಟಿಂಗ್ ನಿಂದ ಕಾಪಾಡಿದ್ದು ಇದೇ ಅಶ್ವಿನ್. ಅವರು ಈ ವರ್ಷ ಇಂತಹ ಹಲವು ಇನಿಂಗ್ಸ್ ಆಡಿದ್ದಾರೆ. ಈ ಮೂಲಕ ಬ್ಯಾಟಿಂಗ್ ನಲ್ಲಿ 500 ರನ್ ಮತ್ತು ಬೌಲಿಂಗ್ ನಲ್ಲಿ 56 ವಿಕೆಟ್ ಪಡೆದು ಒಂದೇ ವರ್ಷದಲ್ಲಿ ಈ ಸಾಧನೆ ಮಾಡಿದ ಕಪಿಲ್ ದೇವ್ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಕಪಿಲ್ ಈ ಸಾಧನೆಯನ್ನು ಎರಡು ಬಾರಿ ಮಾಡಿದ್ದರು. ಅಶ್ವಿನ್ ಕೂಡಾ ಇದನ್ನು ಮೀರುವ ಸಾಮರ್ಥ್ಯ ಹೊಂದಿದ್ದಾರೆ. ಕಪಿಲ್ 1983 ರಲ್ಲಿ 579 ರನ್ ಮತ್ತು 75 ವಿಕೆಟ್ ಕಿತ್ತಿದ್ದರು. ಈಗ ಹೇಳಿ ಅಶ್ವಿನ್ ಆಲ್ ರೌಂಡರ್ ಪಟ್ಟಿಯಲ್ಲಿ ನಂ.1 ಆಗಿರುವುದಕ್ಕೂ ಸಾರ್ಥಕವಾಯಿತಲ್ಲವೇ?
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ
ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ