ಇಸ್ಲಾಮಾಬಾದ್: ಚಾಂಪಿಯನ್ಸ್ ಟ್ರೋಫಿ ಫೈನಲ್ ನಲ್ಲಿ ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕೆ ತಿರುವು ನೀಡಿದ ಜಸ್ಪ್ರೀತ್ ಬಮ್ರಾ ನೋ ಬಾಲ್ ಬಗ್ಗೆ ಹಲವರು ಚರ್ಚೆ ನಡೆಸಿದ್ದಾರೆ. ಇದೀಗ ಸ್ವತಃ ಪಾಕ್ ಬ್ಯಾಟ್ಸ್ ಮನ್ ಫಖರ್ ಜಮಾನ್ ಅಂದು ಏನಾಗಿತ್ತು ಎಂದು ಬಾಯ್ಬಿಟ್ಟಿದ್ದಾರೆ.
‘ಆವತ್ತು ಬಾಲ್ ಸೀದಾ ಧೋನಿಯ ಕೈ ಸೇರುತ್ತಿರುವುದನ್ನು ನೋಡಿದೆ. ಒಂದು ಕ್ಷಣ ನನ್ನ ಹೃದಯವೇ ಬಾಯಿಗೆ ಬಂದ ಹಾಗಾಯ್ತು. ಆಯ್ತು ಇಲ್ಲಿಗೆ ನನ್ನ ಕತೆ ಮುಗಿಯಿತು. ಕನಸು ನುಚ್ಚು ನೂರಾಯಿತು ಎಂದು ಭಾರವಾದ ಹೃದಯದೊಂದಿಗೆ ಪೆವಿಲಿಯನ್ ಗೆ ಹೆಜ್ಜೆ ಹಾಕುತ್ತಿದ್ದೆ.
ಆದರೆ ಆಗ ಅಂಪಾಯರ್ ತಡೆದರು. ನಂತರ ಗೊತ್ತಾಯಿತು ಅದು ನೋ ಬಾಲ್ ಆಗಿತ್ತೆಂದು. ಆಗ ನನಗನಿಸಿತು. ಈ ಬಾಲ್ ನೋ ಬಾಲ್ ಆಗಿದ್ದರೆ, ಈವತ್ತಿನ ದಿನ ನನ್ನ ದಿನ ಎಂದು ಮೊದಲೇ ದೇವರು ನಿರ್ಧರಸಿರಬಹುದು. ಅದಕ್ಕೇ ಬಚವಾದೆ ಎನಿಸಿತು. ಮತ್ತೆ ಹಿಂತಿರುಗಿ ನೋಡಲೇ ಇಲ್ಲ’ ಎಂದು ಆ ಪಂದ್ಯದಲ್ಲಿ ಶತಕ ಚಚ್ಚಿದ ಜಮಾನ್ ಸ್ಮರಿಸಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
