ಮಂಗಳೂರಿನಲ್ಲಿ ಕ್ರಿಸ್ ಗೇಲ್: ಮುಗಿಬಿದ್ದ ಜನಸಾಗರ

ಮಂಗಳೂರಿನ ಜನತೆ ಇಂದು ಮುಂಜಾನೆ ಒಂದು ಕ್ಷಣಕ್ಕೆ ತಮ್ಮನ್ನು ತಾವು ನಂಬದಾದರು. ಟಿವಿಯಲ್ಲಿ ನೋಡಿ ಖುಷಿ ಪಡುತ್ತಿದ್ದ ವ್ಯಕ್ತಿ ಅವರ ಕಣ್ಣ ಮುಂದೆಯೇ ನಿಂತಿದ್ದ. 

ಹೌದು, ಭಾರತದಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿರುವ ವೆಸ್ಟ್ ಇಂಡಿಸ್‌ನ ಸ್ಪೋಟಕ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್ ಇಂದು ಬೆಳಿಗ್ಗೆ ಮಂಗಳೂರಿಗೆ ಆಗಮಿಸಿದ್ದರು.

ನಗರದ ಬಲ್ಮಠದಲ್ಲಿ ವೈನ್ ಗೇಟ್ ಬಾರ್ ಆ್ಯಂಡ್ ರೆಸ್ಟೋರೆಂಟ್ ಉದ್ಘಾಟನೆಗೆ ಆಗಮಿಸಿದ್ದ ಅವರನ್ನು ಹಣೆಗೆ ಕುಂಕುಮ ಇಟ್ಟು, ಹೂ ಮಾಲೆ ಹಾಕಿ, ಸಾಂಪ್ರದಾಯಿಕವಾಗಿ ಆರತಿ ಬೆಳಗಿ ಸ್ವಾಗತಿಸಲಾಯಿತು.

ಸಮಾರಂಭದ ನಡುವೆ ಎಳನೀರು ಕುಡಿದ ರಾಯಲ್ ಚಾಲೆಂಜರ್ಸ್ ಆಟಗಾರ 'ಮಂಗಳೂರು ಫೆಂಟಾಸ್ಟಿಕ್'  ಎಂದು ಉದ್ಗರಿಸಿದರು. 

ಗೇಲ್ ಆಗಮನದ ಸುದ್ದಿ ಹರಿದಾಡುತ್ತಿದ್ದಂತೆ ನೂರಾರು ಕ್ರಿಕೆಟ್ ಅಭಿಮಾನಿಗಳು ಸ್ಥಳದಲ್ಲಿ ಸೇರಿದ್ದು ನೂಕುನುಗ್ಗಲಿನ ನಡುವೆ ಗೇಲ್ ರೋಡ್ ಶೋ ನಡೆಸಿದರು.