ಅಸಭ್ಯವಾಗಿ ನಡೆದುಕೊಂಡವನ ಬೆವರಿಳಿಸಿದ ಮಿಥಾಲಿ ರಾಜ್

ಹೈದರಾಬಾದ್: ಭಾರತ ಮಹಿಳಾ ಕ್ರಿಕೆಟ್ ತಂಡದ ನಾಯಕಿ ಮಿಥಾಲಿ ರಾಜ್ ಜತೆ ವ್ಯಕ್ತಿಯೊಬ್ಬ ಟ್ವಿಟರ್ ನಲ್ಲಿ ಮುಜುಗರ ತರುವಂತಹ ಪ್ರಶ್ನೆ ಕೇಳಲು ಹೋಗಿ ಖಡಕ್ ಉತ್ತರ ಪಡೆದಿದ್ದಾನೆ.

ಆಗಿದ್ದೇನು?: ಯಾವುದೋ ಕಾರ್ಯಕ್ರಮಕ್ಕೆ ತೆರಳಿದ್ದ ಮಿಥಾಲಿ ರಾಜ್, ಸಹ ಆಟಗಾರ್ತಿ ವೇದಾ ಕೃಷ್ಣಮೂರ್ತಿ, ಮಾಜಿ ಆಟಗಾರ್ತಿಯರಾದ ನೋಶಿನ್ ಆಲ್ ಖಾದಿರ್ ಮತ್ತು ಮಮತಾ ಮಾಬೆನ್ ಜತೆ ಫೋಟೋ ತೆಗೆಸಿಕೊಂಡು ಟ್ವಿಟರ್ ನಲ್ಲಿ ಹಾಕಿದ್ದರು.

ಇದರ ಕೆಳಗೆ ವಿಶೇಷವಾದ ಮಹಿಳೆಯರೊಂದಿಗಿರುವುದು ಅಮೂಲ್ಯ ಕ್ಷಣ ಎಂದು ಬರೆದಿದ್ದರು. ಈ ಫೋಟೋದಲ್ಲಿ ಮಿಥಾಲಿ ಎಡಕಂಕುಳಿನ ಬಳಿ ಬಟ್ಟೆ ಸ್ವಲ್ಪ ಒದ್ದೆಯಾಗಿತ್ತು. ಹೀಗಾಗಿ ಅಭಿಮಾನಿಯೊಬ್ಬ ಕ್ಷಮಿಸಿ ನಾಯಕಿ, ನೋಡಲು ಕೆಟ್ಟದಾಗಿದೆ. ನಿಮ್ಮ ಕಂಕುಳಿನ ಬಳಿ ಒದ್ದೆಯಾಗಿದೆ ಎಂದು ಬರೆದಿದ್ದ.

ಇದರಿಂದ ಕೆರಳಿದ ಮಿಥಾಲಿ, ನಾನು ಬೆವರು ಹರಿಸಿ ಶ್ರಮಪಟ್ಟಿರುವುದರಿಂದಲೇ ಇಂದು ಈ ಸ್ಥಾನದಲ್ಲಿದ್ದೇನೆ. ನಾನು ಹೋಗಿದ್ದು ಕ್ರಿಕೆಟ್ ಅಕಾಡೆಮಿ ಉದ್ಘಾಟನೆಗೆ. ಇದರಲ್ಲಿ ನನಗೆ ಅವಮಾನವಾಗುವಂತಹದ್ದು ಏನೂ ಇಲ್ಲ ಎಂದು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ.. ರಾಹುಲ್ ಗಾಂಧಿ ವಿಚಾರವಾಗಿ ಎಡವಟ್ಟು ಮಾಡಿಕೊಂಡ ಕಪಿಲ್ ಸಿಬಲ್!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ