ತವರಿನಲ್ಲಿ ಆಡುವ ಮನೀಶ್ ಪಾಂಡೆ ಕನಸಿಗೆ ರಿಷಬ್ ಪಂತ್ ಅಡ್ಡಿ!

ಬೆಂಗಳೂರು: ತವರಿನ ಅಂಗಳದಲ್ಲಿ ಆಡುವುದು ಪ್ರತಿಯೊಬ್ಬ ಕ್ರಿಕೆಟಿಗರಿಗೂ ವಿಶೇಷ ಅನುಭವ ಕೊಡುತ್ತದೆ. ಯಾರೂ ಅಂತಹದ್ದೊಂದು ಚಾನ್ಸ್ ಮಿಸ್ ಮಾಡಿಕೊಳ್ಳಲು ಬಯಸುವುದಿಲ್ಲ. ಆದರೆ ಇದುವರೆಗೆ ಸರಣಿಯಲ್ಲಿ ಆಡಿದ ಮನೀಶ್ ಪಾಂಡೆಗೆ ಇದೀಗ ತವರಿನ ಪಂದ್ಯದಲ್ಲೇ ಆಡುವ ಕನಸು ನನಸಾಗಲಿಲ್ಲ.

ಇದಕ್ಕೆ ಕಾರಣ ರಿಷಬ್ ಪಂತ್ ಎಂಟ್ರಿ. ಯುವ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಈ ಪಂದ್ಯದ ಮೂಲಕ ಅಂತಾರಾಷ್ಟ್ರೀ ಪಂದ್ಯಕ್ಕೆ ಪದಾರ್ಪಣೆ ಮಾಡಿದ್ದಾರೆ. ರಿಷಬ್ ಪಂತ್ ರನ್ನು ತಂಡದಲ್ಲಿ ಆಡಿಸಬೇಕೆಂದು ಈಗಾಗಲೇ ಹಲವು ಜನರ ಅಭಿಪ್ರಾಯ ಕೇಳಿಬಂದಿತ್ತು. ದೇಶೀಯ ಪಂದ್ಯದಲ್ಲೂ ರಿಷಬ್ ಭರ್ಜರಿ ಫಾರ್ಮ್ ನಲ್ಲಿದ್ದರು.

ಇದೀಗ ಭಾರತದ ಬ್ಯಾಟಿಂಗ್ ನೆಲಕಚ್ಚಿರುವ ಹಂತದಲ್ಲಿ ಸ್ಪೋಟಕ ಬ್ಯಾಟ್ಸ್ ಮನ್ ನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಯಿತು. ಇವರಿಗಾಗಿ ಐಪಿಎಲ್ ನಲ್ಲಿ ಮೊದಲ ಶತಕ ಬಾರಿಸಿದ ಖ್ಯಾತಿ ಮನೀಶ್ ಪಾಂಡೆ ತಮ್ಮ ತವರಿನ ಪಂದ್ಯದಲ್ಲೇ ಆಡುವ ಅವಕಾಶ ಕಳೆದುಕೊಳ್ಳುವಂತಾಯಿತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ