ವಾಸಿಂ ಅಕ್ರಂ ಸ್ಥಾನ ತುಂಬಲು ಕೆಕೆಆರ್ ತಂಡಕ್ಕೆ ಬಂದ ಎಲ್. ಬಾಲಾಜಿ

ಚೆನ್ನೈ: ಕೋಲ್ಕೊತ್ತಾ ನೈಟ್ ರೈಡರ್ಸ್ ತಂಡದ ಕೋಚ್ ಸ್ಥಾನಕ್ಕೆ ಇತ್ತೀಚೆಗಷ್ಟೇ ಗುಡ್ ಬೈ ಹೇಳಿದ್ದ ಪಾಕಿಸ್ತಾನದ ಮಾಜಿ ವೇಗದ ಬೌಲರ್ ವಾಸಿಂ ಅಕ್ರಂ ಸ್ಥಾನಕ್ಕೆ ತಮಿಳುನಾಡಿನ ರಣಜಿ ಕೋಚ್ ಹಾಗೂ ಟೀಂ ಇಂಡಿಯಾದ ಮಾಜಿ ವೇಗಿ ಎಲ್. ಬಾಲಾಜಿ ಬಂದಿದ್ದಾರೆ.

ಅಕ್ರಂ ಇತ್ತೀಚೆಗಷ್ಟೇ ಈ ಋತುವಿನ ಐಪಿಎಲ್ ನಲ್ಲಿ ನನಗೆ ಭಾಗವಹಿಸಲಾಗುತ್ತಿಲ್ಲ ಎಂದು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದರು. ಪ್ರಥಮ ದರ್ಜೆ ಕ್ರಿಕೆಟ್ ನಿಂದ ಕಳೆದ ವರ್ಷ ನಿವೃತ್ತಿ ಪಡೆದಿದ್ದ ಬಾಲಾಜಿ ಸದ್ಯಕ್ಕೆ ತಮಿಳು ನಾಡು ರಣಜಿ ತಂಡದ ಸಹಾಯಕ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಹಿಂದೊಮ್ಮೆ ಶಾರುಖ್ ಖಾನ್ ಒಡೆತನದ ಕೆಕೆಆರ್ ತಂಡದ ಪರ ಆಡಿದ ಅನುಭವವೂ ಅವರಿಗಿದೆ. ಮತ್ತೆ ಕೆಕೆಆರ್ ತಂಡಕ್ಕೆ ಮರಳಿರುವುದಕ್ಕೆ ಸಂತಸವಾಗಿದೆ ಎಂದು ಬಾಲಾಜಿ ಹೇಳಿದ್ದಾರೆ. ಇದೇ ವೇಳೆ ಕೋಲ್ಕೊತ್ತಾ ನೈಟ್ ರೈಡರ್ಸ್ ನಾಯಕ ಗೌತಮ್ ಗಂಭೀರ್ ಕೂಡಾ ಟ್ವಿಟರ್ ಮೂಲಕ ನೂತನ ಕೋಚ್ ಬಾಲಾಜಿಯನ್ನು ತಂಡಕ್ಕೆ ಸ್ವಾಗತಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ