ಕರ್ನಾಟಕದ ದಿಗ್ಗಜರದ್ದೇ ದಾಖಲೆ ಸರಿಗಟ್ಟಿದ ಕನ್ನಡಿ ಕೆಎಲ್ ರಾಹುಲ್

ಪಲ್ಲೆಕೆಲೆ: ಕನ್ನಡಿಗ ಕೆಎಲ್ ರಾಹುಲ್ ಕರ್ನಾಟಕದ ದಿಗ್ಗಜ ಬ್ಯಾಟ್ಸ್ ಮನ್ ಗಳದ್ದೇ ದಾಖಲೆ ಸರಿಗಟ್ಟಿದ್ದಾರೆ. ಅದು ಅರ್ಧಶತಕಗಳ ಸರಮಾಲೆಯ ಮೂಲಕ.

ರಾಹುಲ್ ಸತತವಾಗಿ ಉತ್ತಮ ಆರಂಭ ಒದಗಿಸುತ್ತಿದ್ದಾರಾದರೂ, ಶತಕದ ಹೊಸ್ತಿಲಲ್ಲಿ ಪ್ರತೀ ಬಾರಿ ಎಡವುತ್ತಿದ್ದಾರೆ. ಆದರೇನಂತೆ? ರಾಹುಲ್ ಇದೀಗ ಗುಂಡಪ್ಪ ವಿಶ್ವನಾಥ್ ಮತ್ತು ರಾಹುಲ್ ದ್ರಾವಿಡ್ ಸಾಲಲ್ಲಿ ನಿಂತಿದ್ದಾರೆ.

ಲಂಕಾ ವಿರುದ್ಧ ತೃತೀಯಟೆಸ್ಟ್ ಪಂದ್ಯದಲ್ಲಿ ಅವರು 57 ರನ್ ಗಳಿಸಿದರು. ಇದರೊಂದಿಗೆ ಸತತ 6 ಅರ್ಧಶತಕ ಗಳಿಸುವ ಮೂಲಕ ಈ ಸಾಧನೆ ಮಾಡಿದ ದ್ರಾವಿಡ್ ಮತ್ತು ಜಿ. ವಿಶ್ವನಾಥ್ ದಾಖಲೆಯನ್ನು ಸರಿಗಟ್ಟಿದ್ದಾರೆ. ವಿಶ್ವನಾಥ್ 1978 ರಲ್ಲಿ ಈ ದಾಖಲೆ ಮಾಡಿದ್ದರೆ, ದ್ರಾವಿಡ್ 1998 ರಲ್ಲಿ ಮಾಡಿದ್ದರು. ದ್ವಿತೀಯ ಇನಿಂಗ್ಸ್ ನಲ್ಲೂ ಅರ್ಧಶತಕ ಗಳಿಸಲು ರಾಹುಲ್ ಯಶಸ್ವಿಯಾದರೆ ದಾಖಲೆ ಮುರಿದಂತಾಗುತ್ತದೆ.

ಇದನ್ನೂ ಓದಿ.. ಚೀನಾ ಗಡಿ ಕಿರಿಕ್ ಭಾರತಕ್ಕೆ ಸಿಕ್ಕಿದೆ ಹೊಸ ಬೂಸ್ಟ್!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ