ಹೇಗಿದೆ ಸಚಿನ್ ಸಿನಿಮಾ? ಟೀಂ ಇಂಡಿಯಾ ಕ್ರಿಕೆಟಿಗರ ವಿಮರ್ಶೆ ಇಲ್ಲಿದೆ!

ಮುಂಬೈ: ಸಚಿನ್ ತೆಂಡುಲ್ಕರ್ ಜೀವನಾಧಾರಿತ ಚಿತ್ರ ಸಚಿನ್ ಎ ಬಿಲಿಯನ್ ಡ್ರೀಮ್ಸ್ ವೀಕ್ಷಿಸಿದ ಟೀಂ ಇಂಡಿಯಾ ಕ್ರಿಕೆಟಿಗರು ಥ್ರಿಲ್ ಆಗಿದ್ದಾರೆ. ಚಿತ್ರ ನೋಡಿದ ಮೇಲೆ ಅವರು ಏನೆಂದರು ಗೊತ್ತಾ?

ಸಚಿನ್ ಜತೆಗೇ ಪ್ರೀಮಿಯರ್ ಶೋ ನೋಡಿದ ಕ್ರಿಕೆಟಿಗರು, ದಿಗ್ಗಜನ ಜತೆಗೆ ಫೋಟೋ ತೆಗೆಸಿಕೊಂಡರು. ಅಲ್ಲದೆ, ಚಿತ್ರದ ಬಗ್ಗೆ ಕೆಲವು ಕ್ರಿಕೆಟಿಗರು ಟ್ವಿಟರ್ ನಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಇಂಥಾ ಮಹಾನ್ ಕ್ರಿಕೆಟಿಗನ ಜೀವನವನ್ನು ತೆರೆಯ ಮೇಲೆ ನೋಡುತ್ತಿದ್ದರೆ ರೋಮಾಂಚನಾಗುತ್ತದೆ. ನೀವು ನಿಜಕ್ಕೂ ಸ್ಪೂರ್ತಿ ತುಂಬುತ್ತೀರಿ, ನನಗೆ ಮಾತ್ರವಲ್ಲ, ನನ್ನಂತಹ ಬಿಲಿಯನ್ಸ್ ಗೆ  ಎಂದು ಕೆಎಲ್ ರಾಹುಲ್ ಹೇಳಿದ್ದಾರೆ.

ಕೆಲವು ಅಭೂತಪೂರ್ವ ನೆನಪುಗಳನ್ನು ಮೆಲುಕು ಹಾಕಿದಂತಾಯಿತು. ನಿಜಕ್ಕೂ ಇಂದಿನ ದಿನ ಅದ್ಭುತವಾಗಿತ್ತು ಎಂದು ಭುವನೇಶ್ವರ್ ಕುಮಾರ್ ಅಭಿಪ್ರಾಯಪಟ್ಟಿದ್ದಾರೆ. ಇನ್ನು ಶಿಖರ್ ಧವನ್, ನಿಮ್ಮಂತಹ ಕ್ರಿಕೆಟಿಗರನ್ನು ಭೇಟಿ ಮಾಡುವುದೇ ಗೌರವ. ಸಿನಿಮಾ ಅದ್ಭುತವಾಗಿತ್ತು ಎಂದಿದ್ದಾರೆ.

ಸಚಿನ್ ರ ಮುಂಬೈ ಜತೆಗಾರ ಅಜಿಂಕ್ಯಾ ರೆಹಾನೆ ಕೂಡಾ ಧನ್ಯವಾದಗಳು ಸಚಿನ್ ಸರ್. ನೀವು ಅದೆಷ್ಟೋ ಜನರಿಗೆ ಸ್ಪೂರ್ತಿ ಎಂದು ಹೊಗಳಿದ್ದಾರೆ. ನಾಳೆ ಅಧಿಕೃತವಾಗಿ ಸಿನಿಮಾ ಬಿಡುಗಡೆಯಾಗಲಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ