ಇತಿಹಾಸ ಪುಟ ಸೇರಿದ ಕ್ರಿಕೆಟಿಗ ಹಶೀಮ್ ಆಮ್ಲಾ ಮಾಡಿದ ದಾಖಲೆ

ಪೋರ್ಟ್ ಎಲಿಜಬೆತ್: ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಕ್ರಿಕೆಟ್ ಪಂದ್ಯದಲ್ಲಿ ದ. ಆಫ್ರಿಕಾ ಕ್ರಿಕೆಟಿಗ ಮಾಡಿದ ಈ ದಾಖಲೆ ತುಂಬಾ ಅಪರೂಪವಾದದ್ದು. ಅವರು ಈ ಪಂದ್ಯದಲ್ಲಿ ಟೆಸ್ಟ್ ಕ್ರಿಕೆಟ್ ನ 10 ಸಾವಿರನೇ ಎಲ್ ಬಿಡಬ್ಲ್ಯು ಔಟಾದ ಅಪರೂಪದ ದಾಖಲೆ ಮಾಡಿದರು.

140 ವರ್ಷಗಳ ಕ್ರಿಕೆಟ್ ಇತಿಹಾಸದಲ್ಲಿ ಹಲವು ಮಂದಿ 10 ಸಾವಿರ ರನ್ ಪೂರೈಸಿದವರಿದ್ದಾರೆ. ಆದರೆ 10,000 ನೇ ಬಾರಿಗೆ ಎಲ್ ಬಿಡಬ್ಲ್ಯು ಆದ ದಾಖಲೆ ಅಪರೂಪದ್ದು. ಮೂರನೇ ದಿನದ 51 ನೇ ಓವರಿನಲ್ಲಿ ಲಂಕಾದ ನುವಾನ್ ಪ್ರದೀಪ್ ಬೌಲಿಂಗ್ ನಲ್ಲಿ ಆಮ್ಲಾ ಎಲ್ ಬಿಡಬ್ಲ್ಯು ಆಗಿ ಔಟಾದರು. ಇದರೊಂದಿಗೆ ಬ್ಯಾಟ್ಸ್ ಮನ್ 10000 ನೇ ಬಾರಿಗೆ ಎಲ್ ಬಿಡಬ್ಲ್ಯು ಆದ ದಾಖಲೆಯ ಭಾಗವಾದರು. ಈ ಮೂಲಕ ಈ ಇಬ್ಬರೂ ಆಟಗಾರರು ಚರಿತ್ರೆಯ ಭಾಗವಾದರು.

ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಎಲ್ ಬಿಡಬ್ಲ್ಯು ಆಗಿದ್ದು ಇಂಗ್ಲೆಂಡ್ ನ ಹ್ಯಾರಿ ಜ್ಯೂಪೆ. ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ 1876 ರಲ್ಲಿ ಆಸೀಸ್ ನ ಟಾಮ್ ಗ್ಯಾರೆಟ್ ಬೌಲಿಂಗ್ ನಲ್ಲಿ ಅವರು ಎಲ್ ಬಿ ಬಲೆಗೆ ಬಿದ್ದಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ