ವಿರಾಟ್ ಕೊಹ್ಲಿ ಹಣಿಯಲು ಬಲೆ ಸಿದ್ಧಪಡಿಸಿದೆಯಂತೆ ಇಂಗ್ಲೆಂಡ್

ಮೊಹಾಲಿ: ಇಂಗ್ಲೆಂಡ್ ಕ್ರಿಕೆಟ್ ತಂಡಕ್ಕೆ ವಿರಾಟ್ ಕೊಹ್ಲಿಯದ್ದೇ  ಚಿಂತೆ. ಅವರೊಬ್ಬರನ್ನು ಔಟ್ ಮಾಡಿದರೆ ಸಾಕು. ಇಡೀ ಪಂದ್ಯ ಕೈವಶ ಮಾಡಿಕೊಳ್ಳಬಹುದು ಎಂದು ಅವರಿಗೆ ಅರ್ಥವಾಗಿದೆ. ಹೀಗಾಗಿಯೇ ವಿರಾಟ್ ಕೊಹ್ಲಿಯನ್ನು ಹಣಿಯಲು ಬಲೆ ಸಿದ್ಧಪಡಿಸಿದ್ದೇವೆಂದು ಇಂಗ್ಲೆಂಡ್ ಹೇಳಿಕೊಂಡಿದೆ.

ವಿರಾಟ್ ಕೊಹ್ಲಿ ಒಮ್ಮೆ ಸೆಟ್ ಆದರೆ ಅವರನ್ನು ಔಟ್ ಮಾಡುವುದು ಕಷ್ಟ. ಹೀಗಾಗಿ ಅವರು ಕ್ರೀಸ್ ಗೆ ಬಂದ ಕೂಡಲೇ ಪೆವಿಲಿಯನ್ ಗೆ ಕಳುಹಿಸಲು ಯೋಜನೆ ಸಿದ್ಧಪಡಿಸುತ್ತಿದ್ದೇವೆ. ಯಶಸ್ವಿಯಾದರೆ ನಾವು ಅರ್ಧ ಗೆದ್ದಂತೆಯೇ ಎಂದು ಇಂಗ್ಲೆಂಡ್ ಬೌಲರ್ ಕ್ರಿಸ್ ವೋಕ್ಸ್ ಹೇಳಿಕೊಂಡಿದ್ದಾರೆ.

ಈಗಾಗಲೇ ದ್ವಿತೀಯ ಟೆಸ್ಟ್ ಪಂದ್ಯ ಸೋತು ಸರಣಿಯಲ್ಲಿ 1-0 ಯಿಂದ ಹಿಂದುಳಿದಿರುವ ಇಂಗ್ಲೆಂಡ್ ಮುಂದಿನ ಪಂದ್ಯವನ್ನು ಗೆದ್ದರೆ ಮಾತ್ರ ಸರಣಿ ಗೆಲುವಿನ ಆಸೆ ಜೀವಂತವಾಗಿರಿಸಬಹುದು. ಹಾಗೆಂದು ಕಳೆದ ಟೆಸ್ಟ್ ಪಂದ್ಯ ಸೋತಿದ್ದೇವೆಂದು ನಾವು ಮಾನಸಿಕವಾಗಿ ಕುಗ್ಗಿಲ್ಲ. ಮುಂದಿನ ಪಂದ್ಯಕ್ಕೆ ಹುರುಪಿನಿಂದ ತಯಾರಾಗುತ್ತೇವೆ ಎಂದು ವೋಕ್ಸ್ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ