ಮುಂಬೈ: ಧೋನಿ ಟೀಂ ಇಂಡಿಯಾಕ್ಕೆ ಬಂದ ಆರಂಭದಲ್ಲಿ ಎಲ್ಲರಿಗೂ ಅವರ ಆಟಕ್ಕಿಂತ ಕೂದಲು ಮೇಲೆಯೇ ಕಣ್ಣಿತ್ತು. ಕ್ಯಾಪ್ಟನ್ ಕೂಲ್ ಕೇಶ ಶೈಲಿಯನ್ನು ಹಲವರು ಅನುಕರಿಸಿದ್ದರು. ಆದರೆ ಇನ್ನು ಧೋನಿ ಕೂದಲು ಉದ್ದ ಬೆಳೆಯೋದಿಲ್ವಂತೆ.
ಹಾಗಂತ ಅವರೇ ಹೇಳಿಕೊಂಡಿದ್ದಾರೆ. ಪೂರ್ಣ ಪ್ರಮಾಣದ ನಾಯಕರಾಗುವ ಮೊದಲು ಕೂದಲು ಬಿಟ್ಟುಕೊಂಡಿದ್ದ ಧೋನಿ ನಂತರ ಕತ್ತರಿ ಹಾಕಿದ್ದರು. ಇದೀಗ ಹೇಗೂ ನಾಯಕತ್ವವಿಲ್ಲ. ಅದನ್ನು ಮೊದಲಿನಂತೆ ಮಾಡಲಾಗದು ಎಂದು ಧೋನಿ ಖಡಾಖಂಡಿತವಾಗಿ ಪತ್ರಕರ್ತರಿಗೆ ಹೇಳಿದ್ದಾರೆ.
“2007 ರ ನಂತರ ನನ್ನಲ್ಲಿ ಹಲವು ಬದಲಾವಣೆಗಳಾದವು. ಈಗ ನಾಯಕತ್ವ ತ್ಯಜಿಸಿದ್ದೇನೆ. ಮುಂದೆ ತಂಡಕ್ಕೆ ಬೇಕಾದಂತೆ ಬ್ಯಾಟಿಂಗ್ ಶೈಲಿ ಬದಲಾಯಿಸಿಕೊಳ್ಳುತ್ತೇನೆ. ಆದರೆ ಕೂದಲು ಉದ್ದ ಬೆಳೆಸೋದಿಲ್ಲ” ಎಂದಿದ್ದಾರೆ ಧೋನಿ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ