ಮುಂದಿನ ವಿಶ್ವಕಪ್ ವರೆಗೆ ಆಡ್ತಾರೆ ಧೋನಿ

ರಾಂಚಿ: ನ್ಯೂಜಿಲೆಂಡ್  ವಿರುದ್ಧ ಸರಣಿ ಗೆದ್ದಿರುವುದು ನಾಯಕ ಎಂಎಸ್ ಧೋನಿಯ ಆತ್ಮವಿಶ್ವಾಸ ಹೆಚ್ಚಿಸಿದೆ. ಈ ಸರಣಿ ಸೋತಿದ್ದರೆ ಅವರು ಸದ್ಯದಲ್ಲೇ ನಿವೃತ್ತಿಯಾಗುವ ಬಗ್ಗೆ ಯೋಚಿಸುತ್ತಿದ್ದರೇನೋ.

ಆದರೆ ಸರಣಿಯಲ್ಲಿ ವೈಯಕ್ತಿಕವಾಗಿಯೂ ಉತ್ತಮ ಪ್ರದರ್ಶನ ತೋರಿದ ಕಾರಣಕ್ಕೆ ಅವರು 2019ರ ವಿಶ್ವಕಪ್ ವರೆಗೆ ತಂಡಕ್ಕಾಗಿ ಆಡಬಹುದು ಎಂದು ಮೂಲಗಳು ಹೇಳುತ್ತಿವೆ. ಮುಂದಿನ ವರ್ಷ ಇಂಗ್ಲೆಂಡ್ ನಲ್ಲಿ ಚಾಂಪಿಯನ್ಸ್ ಟ್ರೋಫಿ ನಡೆಯಲಿದ್ದು, ಅದಕ್ಕೂ ತಂಡವನ್ನು ಮುನ್ನಡೆಸುವ ವಿಶ್ವಾಸದಲ್ಲಿ ಅವರಿದ್ದಾರೆ.

ಮುಂದಿನ ವಿಶ್ವಕಪ್ ವೇಳೆಗೆ ಅವರ ವಯಸ್ಸು 38 ಆಗಬಹುದು. ಆದರೆ ಪ್ರಸಕ್ತ ವಯಸ್ಸು ಒಂದು ಸಮಸ್ಯೆ ಆಗುತ್ತಿಲ್ಲ. ಫಿಟ್ ಆಗಿದ್ದರೆ ಯಾವ ವಯಸ್ಸಿನಲ್ಲೂ ಆಡಬಹುದು ಎಂಬ ಲೆಕ್ಕಾಚಾರ ಅವರದ್ದು. ಮಾಜಿ ಕ್ರಿಕೆಟಿಗ ಕಿರಣ್ ಮೋರೆ, ಆಶಿಷ್ ನೆಹ್ರಾ ಮುಂತಾದವರು ಧೋನಿಯನ್ನು ಈ ವಿಚಾರದಲ್ಲಿ ಬೆಂಬಲಿಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ