ಇರ್ಫಾನ್ ಪಠಾಣ್ ಮಗುವಿನ ಹೆಸರಿನ ಬಗ್ಗೆಯೂ ಟ್ವಿಟರ್ ನಲ್ಲಿ ವಿವಾದ!

ಬರೋಡ: ಇತ್ತೀಚೆಗೆ ಸೆಲೆಬ್ರಿಟಿಗಳ ಮಕ್ಕಳು ಟ್ವಿಟರ್ ನಲ್ಲಿ ವಿವಾದ ಪ್ರಿಯರ ಆಹಾರವಾಗುತ್ತಿರುವುದು ಸಾಮಾನ್ಯವಾಗಿದೆ. ಬಾಲಿವುಡ್ ಸೆಲೆಬ್ರಿಟಿ ದಂಪತಿ ಕರೀನಾ ಕಪೂರ್-ಸೈಫ್ ಆಲಿ ಖಾನ್ ಮಗುವಿನ ಹೆಸರು ವಿವಾದಕ್ಕೀಡಾದ ರೀತಿಯಲ್ಲೇ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಮಗುವಿನ ಬಗ್ಗೆ ವಿವಾದ ಎದ್ದಿದೆ.

ಆದರೆ ಈ ಬಾರಿ ಆ ಮಗುವಿಗೆ ಹೆಸರಿಡುವ ಮೊದಲೇ ಅಭಿಮಾನಿಯೊಬ್ಬ ವಿವಾದ ಹುಟ್ಟು ಹಾಕಿದ್ದಾನೆ. ಆದರೆ ಆತನಿಗೆ ಅಪ್ಪ ಇರ್ಫಾನ್ ತಕ್ಕ ಉತ್ತರವನ್ನೂ ಕೊಟ್ಟಿದ್ದಾರೆ.

ದಿವ್ಯಾಂಶು ರಾಜು ಎಂಬ ಅಭಿಮಾನಿಯೊಬ್ಬ ಇರ್ಫಾನ್ ತಮಗೆ ಮಗುವಾಗಿರುವ ವಿಷಯವನ್ನು ಪ್ರಕಟಿಸಿದ ಟ್ವಿಟರ್ ಗೆ ಪ್ರತಿಕ್ರಿಯಿಸುತ್ತಾ, “ಮಗು ಯಾವುದೇ ಇರಲಿ, ಆದರೆ ಆತನಿಗೆ ದಾವೂದ್ ಎಂತಲೋ, ಯಾಕುಬ್ ಎಂತಲೋ ಹೆಸರಿಡಬೇಡಿ” ಎಂದು ಪುಕ್ಸಟೆ ಸಲಹೆ ಮಾಡಿದ್ದ.

ಇದಕ್ಕೆ ತಕ್ಕ ಉತ್ತರ ನೀಡಿದ್ದ ಇರ್ಫಾನ್ ‘ಹೆಸರು ಯಾವುದೇ ಇಡಲಿ, ಆತ ಅಪ್ಪ ಅಥವಾ ದೊಡ್ಡಪ್ಪನ ಹಾಗೆ ಈ ನೆಲದ ಹೆಸರು ಬೆಳಗುವ ಕೆಲಸ ಮಾಡುತ್ತಾನೆ’ ಎಂದು ತಿರುಗೇಟು ನೀಡಿದ್ದಾರೆ. ಕೊನೆಗೆ ಇರ್ಫಾನ್ ತಮ್ಮ ಪುತ್ರನಿಗೆ ಇಮ್ರಾನ್ ಎಂದು ಹೆಸರಿಟ್ಟಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿಯೇ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ