ಟೀಂ ಇಂಡಿಯಾ ವಿರುದ್ಧ ಸರಣಿ ಸೋತಿದ್ದಕ್ಕೆ ಬ್ರಿಟಿಷ್ ಪತ್ರಕರ್ತನಿಗೆ ಟ್ವಿಟರ್ ನಲ್ಲಿ ಟಾಂಗ್!

ಮುಂಬೈ: ವೀರೇಂದ್ರ ಸೆಹ್ವಾಗ್ ಮತ್ತು ಬ್ರಿಟಿಷ್ ಪತ್ರಕರ್ತ ಪೀರ್ಸ್ ಮಾರ್ಗನ್ ರಿಯೋ ಒಲಿಂಪಿಕ್ಸ್ ಸಂದರ್ಭದಲ್ಲಿ ಮಾಡಿದ ಟ್ವಿಟರ್ ವಾರ್ ಎಲ್ಲರಿಗೂ ನೆನಪಿದೆ ತಾನೇ? ಆವತ್ತು ಮಾಡಿದ ಟ್ವೀಟ್ ಗೆ ಈಗಲೂ ಭಾರತೀಯ ಅಭಿಮಾನಿಗಳು ಅವಕಾಶ ಸಿಕ್ಕಾಗಲೆಲ್ಲಾ ಮಾರ್ಗನ್ ಗೆ ಟಾಂಗ್ ಕೊಡುವ ಅವಕಾಶವನ್ನು ಕಳೆದುಕೊಳ್ಳುವುದೇ ಇಲ್ಲ.

ರಿಯೋ ಒಲಿಂಪಿಕ್ಸ್ ನಲ್ಲಿ ಇದುವರೆಗೆ ಕೇವಲ 5 ಚಿನ್ನದ ಪದಕ ಗೆದ್ದಿದ್ದಕ್ಕೆ 1.2 ಬಿಲಿಯನ್ ಜನತೆಯಿರುವ ಭಾರತೀಯರು ಈ ಮಟ್ಟಿಗೆ ಸೆಲೆಬ್ರೇಷನ್ ಮಾಡುತ್ತಿರುವುದೇಕೋ ಎಂದು ಮಾರ್ಗನ್ ಆವತ್ತು ಟೀಕಿಸಿದ್ದರು. ಇದಕ್ಕೆ ವೀರೇಂದ್ರ ಸೆಹ್ವಾಗ್ ಮತ್ತು ಅವರ ನಡುವೆ ಹಲವು ಟ್ವೀಟರ್ ವಾರ್ ನಡೆದಿತ್ತು.

ಈಗಂತೂ ಇಂಗ್ಲೆಂಡ್ ವಿರುದ್ಧ ಯಾವುದೇ ಕ್ರೀಡೆಯಲ್ಲಿ ಗೆದ್ದರೂ ಭಾರತೀಯ ಅಭಿಮಾನಿಗಳು ಮಾರ್ಗನ್ ರನ್ನು ಕುಟುಕುವುದನ್ನು ಮರೆಯುವುದಿಲ್ಲ. ನಿನ್ನೆ ಟೆಸ್ಟ್ ಸರಣಿ ಗೆದ್ದದ್ದಕ್ಕೂ ಸೆಹ್ವಾಗ್ ಜಡ್ಡೂ, ಇಂಗ್ಲೆಂಡ್ ಗೆ ಸ್ವಲ್ಪ ಲಡ್ಡೂ ಪಾರ್ಸೆಲ್ ಮಾಡಿಸು. ಕ್ರಿಕೆಟ್ ಜನಕರನ್ನು ಸೋಲಿಸುವುದು ನಿಜಕ್ಕೂ ವಿಶೇಷ” ಎಂದು ಟ್ವೀಟ್ ಮಾಡಿದ್ದರು.

ಈ ಟ್ವೀಟ್ ಗೆ ಹಲವು ಮಂದಿ ಪ್ರತಿಕ್ರಿಯಿಸಿದ್ದು, ಮಾರ್ಗನ್ ರನ್ನು ಹಿಗ್ಗಾ ಮುಗ್ಗಾ ಕೆಣಕಿದ್ದಾರೆ. ಭಾರತ ಒಲಿಂಪಿಕ್ಸ್ ನಲ್ಲಿ ಚಿನ್ನದ ಪದಕ ಗೆದ್ದಷ್ಟೇ ಸಂಖ್ಯೆಯಿಂದ ಇಂಗ್ಲೆಂಡ್ ಸರಣಿ ಸೋತಿತು ಎಂದು ಅಭಿಮಾನಿಯೊಬ್ಬ ಮಾಡಿದ ಟ್ವೀಟ್ ಗೆ ಮಾರ್ಗನ್ ಟ್ವೀಟ್ ಮಾಡಿದ್ದಾರೆ. “ನಿಜವಾದ ಮಾತು. ಆದರೆ ನನಗೆ ಇಂಗ್ಲೆಂಡ್ ನ ಪ್ರದರ್ಶನದಿಂದ ನಾಚಿಕೆಯಾಗಿದೆ” ಎಂದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ