ಮುಂಬೈ: ವೀರೇಂದ್ರ ಸೆಹ್ವಾಗ್ ಹೊಡೆ ಬಡಿಯ ಆಟವನ್ನು ಇಷ್ಟಪಡದವರು ಯಾರು? ಅವರ ಆಟವನ್ನು ನೋಡಿ ನಾನೂ ಅವರಂತೆ ಬೌಲರ್ ಗಳ ಬೆವರಿಳಿಸಬೇಕು ಎಂದು ಯುವ ಆಟಗಾರರೆಲ್ಲರೂ ಅಂದುಕೊಳ್ಳುತ್ತಿದ್ದರು.
ಆದರೆ ಇಲ್ಲೊಬ್ಬ ಕ್ರಿಕೆಟ್ ದಿಗ್ಗಜ ಹೀಗೆಂದು ಹೇಳಿಕೊಂಡಿದ್ದಾರೆ. ಅವರು ಬೇರಾರೂ ಅಲ್ಲ. ಬ್ಯಾಟಿಂಗ್ ದಂತಕತೆ ಸುನಿಲ್ ಗವಾಸ್ಕರ್. ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಗವಾಸ್ಕರ್, ತಮ್ಮ ವೀರೇಂದ್ರ ಸೆಹ್ವಾಗ್ ಆಡುವುದನ್ನು ನೋಡುವಾಗ ಅರೇ.. ಈ ಹುಡುಗ ನಾನು ಹೊಡೆಯಬೇಕೆಂದು ಅಂದುಕೊಳ್ಳುತ್ತಿದ್ದ ಶಾಟ್ ಗಳನ್ನೆಲ್ಲಾ ನೀರು ಕುಡಿದಂತೆ ಹೊಡೆಯುತ್ತಾನಲ್ಲ ಎಂದುಕೊಳ್ಳುತ್ತಿದ್ದರಂತೆ.
ಸ್ಟ್ರೇಟ್ ಬೌಂಡರಿ, ಸಿಕ್ಸರ್ ಗಳನ್ನು ಹೊಡೆಯುವುದೆಂದರೆ ಗವಾಸ್ಕರ್ ಗೆ ಎಲ್ಲಿಲ್ಲದ ಇಷ್ಟವಾಗಿತ್ತಾದರೂ, ಅದು ಸಾಧ್ಯವಾಗುತ್ತಿರಲಿಲ್ಲವಂತೆ. ಆದರೆ ಸೆಹ್ವಾಗ್ ಇದನ್ನೆಲ್ಲಾ ಬಯಸಿದಾಗಲೆಲ್ಲಾ ಹೊಡೆಯುತ್ತಿದ್ದರು ಎಂದು ಗವಾಸ್ಕರ್ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ