ಅಕ್ಟೋಬರ್ ಮತ್ತು ನವೆಂಬರ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಭಾರತದ ಮೂರು ಟೆಸ್ಟ್ ಸರಣಿಗೆ ಬೆಂಗಳೂರು, ಅಹ್ಮದಾಬಾದ್ ಮತ್ತು ಹೈದರಾಬಾದ್ ನಗರಗಳನ್ನು ಬಿಸಿಸಿಐ ಸಮಿತಿ ಪಟ್ಟಿ ಮಾಡಿದೆ. ಕೊಲ್ಕತ್ತಾ, ವಿಶಾಖಪಟ್ನಂ, ಕಟಕ್, ಧರ್ಮಶಾಲಾ ಮತ್ತು ಕೊಚ್ಚಿಯಲ್ಲಿ ಐದು ಏಕದಿನಗಳನ್ನು ಆಡಲು ಸಮಿತಿ ನಿಗದಿ ಮಾಡಿದೆ.
ದೆಹಲಿಯ ಫಿರೋಜ್ ಶಾ ಕೋಟ್ಲಾ ಮೈದಾನದಲ್ಲಿ ಚೊಚ್ಚಲ ಟಿ20 ಪಂದ್ಯವನ್ನು ಆಡಿಸಲಾಗುತ್ತದೆ. ಮಾಧ್ಯಮದ ವರದಿಗಳ ಪ್ರಕಾರ ರಾಂಚಿ ಟೆಸ್ಟ್ ಪಂದ್ಯಕ್ಕೆ ಸಂಭವನೀಯ ಸ್ಥಳವೆಂದು ಹೇಳಲಾಗಿತ್ತು. ರಾಂಚಿಗೆ ಐಸಿಸಿ ಅನುಮತಿ ನೀಡಿದ್ದು ಬಿಸಿಸಿಐ ಅದನ್ನು ಟೆಸ್ಟ್ ಕೇಂದ್ರವಾಗಿ ಅನುಮೋದಿಸಬೇಕಾಗಿದೆ.
ಆದರೆ ಸರದಿ ನೀತಿಯನ್ವಯ ಇನ್ನೂ ಕೆಲವು ಕೇಂದ್ರಗಳು ಟೆಸ್ಟ್ ಪಂದ್ಯಕ್ಕೆ ಬಾಕಿಯಿರುವುದರಿಂದ ರಾಂಚಿ ಸರದಿ ನೀತಿ ವ್ಯವಸ್ಥೆಯಲ್ಲಿ ಬರಬೇಕಾಗಿದೆ ಎಂದು ಮೂಲವೊಂದು ಹೇಳಿದೆ.
