ನವದೆಹಲಿ: 2001 ನವೆಂಬರ್‌ನಲ್ಲಿ ದೆಹಲಿಯ ಯುವ ಆಟಗಾರ ದಕ್ಷಿಣ ಆಫ್ರಿಕಾದ ವೇಗಿಗಳ ವಿರುದ್ಧ ಭರ್ಜರಿ ಶತಕ ಬಾರಿಸಿ, ಟೆಸ್ಟ್ ರಂಗಕ್ಕೆ ತಮ್ಮ ಪ್ರವೇಶವನ್ನು ಪ್ರಕಟಿಸಿದರು.ಅದಾದ ನಂತರ ಐದು ದಿನಗಳ ಆಟದಲ್ಲಿ ಶ್ರೇಷ್ಠ ಸಾಧನೆಗಳನ್ನು ಮಾಡುವ ಮೂಲಕ ಬ್ಯಾಟಿಂಗ್‌ಗೆ ಹೊಸ ಭಾಷ್ಯ ಬರೆದರು. 12 ವರ್ಷಗಳ ನಂತರ, ಟೀ ಇಂಡಿಯಾ ಇನ್ನೊಂದು ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ತೆರಳುವ ಸಂದರ್ಭದಲ್ಲಿ ಆ ಬ್ಯಾಟ್ಸ್‌ಮನ್ ಮರೆಯಾಗಿದ್ದರು. ಸ್ಫೋಟಕ ಬ್ಯಾಟಿಂಗ್ ಶೈಲಿಯಿಂದ ಮೆಚ್ಚುಗೆಗೆ ಪಾತ್ರರಾಗಿದ್ದ ಅವರು ಜನರ ನೆನಪಿನಿಂದ ಮಾಸಿ ಹೋಗಲಿದ್ದಾರೆಯೇ ಎಂಬ ಪ್ರಶ್ನೆ ಈಗ ಉದ್ಭವಿಸಿದೆ.
ನಾವು ಹೇಳುತ್ತಿರುವ ಆಟಗಾರ ವೀರೇಂದ್ರ ಸೆಹ್ವಾಗ್ ನಜಾಫ್‌ಗಡ್ ನವಾಬ ಎಂದೇ ಹೆಸರಾಗಿದ್ದರು. ಟೆಸ್ಟ್‌ಗಳಲ್ಲಿ ಮತ್ತು ಏಕದಿನಗಳಲ್ಲಿ ಅನೇಕ ಬೌಲಿಂಗ್ ದಾಳಿಗಳನ್ನು ಧೂಳಿಪಟ ಮಾಡಿದವರು. ಆದರೆ ಫಾರಂ ಕಳೆದುಕೊಂಡು, ಬಿಸಿಸಿಐ ಕಾಂಟ್ರಾಕ್ಟ್ ಪಟ್ಟಿಯಿಂದ ಹೊರಬಿದ್ದು ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿರ್ಗಮಿಸುವ ಹಾದಿಯಲ್ಲಿದ್ದಾರೆ.
PR
PR
ಟೆಸ್ಟ್‌ಗಳಲ್ಲಿ ತ್ರಿಶತಕಗಳಿಂದ ಹಿಡಿದು ಏಕದಿನಗಳಲ್ಲಿ ದ್ವಿಶತಕಗಳನ್ನು ಬಾರಿಸಿ ಮಿಂಚಿದ್ದ ಸೆಹ್ವಾಗ್ ಹೊಸ ಮೈಲಿಗಲ್ಲನ್ನು ಮುಟ್ಟಿದ್ದರು. ಆದರೆ ಅದು ಈಗ ಕಳೆದುಹೋದ ವಿಷಯವಾಗಿದೆ.ಈ ಸೀಸನ್‌ನ 6 ರಣಜಿ ಟ್ರೋಫಿ ಇನ್ನಿಂಗ್ಸ್‌ಗಳಲ್ಲಿ ಸೆಹ್ವಾಗ್ ಅರ್ಧ ಶತಕ ಬಾರಿಸಲು ಮಾತ್ರ ಯಶಸ್ವಿಯಾಗಿದ್ದಾರೆ. ಅವರ ಅತ್ಯಧಿಕ ಮೊತ್ತ ಮುಂಬೈ ವಿರುದ್ಧ ಅಜೇಯ 35.104 ಟೆಸ್ಟ್‌ಗಳು ಮತ್ತು 251 ಏಕದಿನ ಪಂದ್ಯಗಳಲ್ಲಿ ಆಡಿದ ಸೆಹ್ವಾಗ್ ಈ ಮಾರ್ಚ್‌ನಿಂದ ಭಾರತದ ಪರ ಆಡಿಲ್ಲ. ಆಸ್ಟ್ರೇಲಿಯಾ ವಿರುದ್ಧ ನಾಲ್ಕು ಟೆಸ್ಟ್ ಪಂದ್ಯಗಳ ಬಳಿಕ ಅವರನ್ನು ಕೈಬಿಡಲಾಗಿತ್ತು.
ಅಭಿಮಾನಿಗಳಿಗೆ ತಮ್ಮ ಸ್ಫೋಟಕ ಬ್ಯಾಟಿಂಗ್ ಶೈಲಿಯಿಂದ ರಂಜಿಸಿದ್ದ ಸೆಹ್ವಾಗ್ ಅಂತಾರಾಷ್ಟ್ರೀಯ ಪಯಣ ಕೊನೆಯಾಗುವ ಹಂತಕ್ಕೆ ತಲುಪಿರಬಹುದೇ ಎಂಬ ಪ್ರಶ್ನೆ ಈಗ ಕೇಳುವಂತಾಗಿದೆ.