ಡೇವಿಡ್ ವಾರ್ನರ್ ಅವರ ಸ್ಫೋಟಕ ಬ್ಯಾಟಿಂಗ್ ಹಾಗೂ ಸಂಘಟಿತ ಬೌಲಿಂಗ್ ದಾಳಿಯ ನೆರವಿನಿಂದ ಡೆಲ್ಲಿ ಡೇರ್‌ಡೆವಿಲ್ಸ್ ತಂಡ ಪುಣೆ ವಾರಿಯರ್ಸ್ ತಂಡದ ವಿರುದ್ಧ 14 ರನ್‌ಗಳ ಸುಲಭ ಜಯ ಸಾಧಿಸಿದೆ.
ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಪುಣೆ ವಾರಿಯರ್ಸ್ ತಂಡ ಡೆಲ್ಲಿ ತಂಡವನ್ನು 164 ರನ್‌ಗಳಿಗೆ ಕಟ್ಟಿ ಹಾಕಿತು. ನಂತರ ಈ ಮೊತ್ತವನ್ನು ಬೆನ್ನಟ್ಟಿದ ಪುಣೆ ತಂಡ 20 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 149 ರನ್‌ಗಳಿಸಿ ಪರಾಭವಗೊಂಡಿತು.
ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ, ತಂಡದ ನಾಯಕ ಜಯವರ್ಧನೆ (12) ಅವರ ವಿಕೆಟ್ ಬೇಗನೇ ಕಳೆದುಕೊಂಡು ಆರಂಭಿಕ ಆಘಾತ ಅನುಭವಿಸಿತು. ನಂತರ ಜತೆಯಾದ ಸೆಹ್ವಾಗ್ (28) ಹಾಗೂ ಉನ್ಮುಕ್ತ್ ಚಂದ್ (17) ತಂಡಕ್ಕೆ 48 ರನ್‌ಗಳ ಜತೆಯಾಟ ನೀಡಿದರು. ನಂತರ ಬಂದ ವಾರ್ನರ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಕೇವಲ 25 ಎಸೆತಗಳನ್ನು ಎದುರಿಸಿದ ವಾರ್ನರ್, 4 ಬೌಂಡರಿ ಹಾಗೂ 4 ಸಿಕ್ಸರ್ ಬಾರಿಸುವುದರೊಂದಿಗೆ ಅಜೇಯ 51 ರನ್ ಗಳಿಸಿದರು. ಇವರಿಗೆ ಸ್ವಲ್ಪ ಮಟ್ಟಿಗೆ ಸಾಥ್ ನೀಡಿದ ರೊಹ್ರೆರ್ (13), ಕೇದಾರ್ ಜಾದವ್ (25) ರನ್‌ಗಳಿಸಿದರೆ, ಅಂತಿಮ ಕ್ಷಣದಲ್ಲಿ ಬಂದ ಇರ್ಫಾನ್ 4 ರನ್‌ಗಳಿಸಿ ವಾರ್ನರ್ ಜತೆ ಅಜೇಯರಾಗಿ ಉಳಿದರು.
ಡೆಲ್ಲಿ ತಂಡ ನೀಡಿದ ಸ್ಪರ್ಧಾತ್ಮಕ ಗುರಿಯನ್ನು ಬೆನ್ನಟ್ಟಿದ ಪುಣೆ ತಂಡ ಮೊದಲ ವಿಕೆಟ್‌ಗೆ 76 ರನ್‌ಗಳ ಭದ್ರಬುನಾದಿಯನ್ನು ಹಾಕಿಕೊಡಲಾಯಿತು. ಆರಂಭಿಕರಾಗಿ ಕಣಕ್ಕಿಳಿದ ರಾಬಿನ್ ಉತ್ತಪ್ಪ (37) ಹಾಗೂ ಏರಾನ್ ಫಿಂಚ್ (37) ಉತ್ತಮ ಜತೆಯಾಟ ನೀಡಿದರು. ಈ ಇಬ್ಬರು ಬ್ಯಾಟ್ಸ್‌ಮನ್‌ಗಳ ನಂತರ ಬಂದ ಯುವರಾಜ್ ಸಿಂಗ್ 31 ರನ್‌ಗಳಿಸಿದರೆ, ಲೂಕ್ ರೈಟ್ 19 ಗಳಿಸಿ ಔಟಾದರು. ಅಂತಿಮವಾಗಿ ಸ್ಟೀವನ್ ಸ್ಮಿತ್ 8 ಎಸೆತಗಳಲ್ಲಿ 17 ರನ್‌ಗಳಿಸಿದರಾದರೂ, ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ವಿಫಲರಾದರು. ಪುಣೆ ತಂಡ ಉತ್ತಮ ಆರಂಭ ಪಡೆದರು ನಂತರ ಬಂದ ಬ್ಯಾಟ್ಸ್‌ಮನ್‌ಗಳು ವೇಗವಾಗಿ ರನ್ ದಾಖಲಿಸದ ಹಿನ್ನಲೆಯಲ್ಲಿ ಗುರಿ ಮುಟ್ಟಲು ಸಾಧ್ಯವಾಗಲಿಲ್ಲ.
ಸ್ಕೋರ್ ಬೋರ್ಡ್
ಡೆಲ್ಲಿ ಡೇರ್‌ಡೆವಿಲ್ಸ್: 164/5 (20 ಓವರ್)
ಜಯವರ್ಧನೆ ಸಿ ರೈಟ್ ಬಿ ದಿಂಡಾ 12 (17), ಸೆಹ್ವಾಗ್ ಸಿ ಉತ್ತಪ್ಪ ಬಿ ದಿಂಡಾ 28 (26), ಉನ್ಮುಕ್ತ್ ಚಾಂದ್ ಸಿ ಉತ್ತಪ್ಪ ಬಿ ಶರ್ಮಾ 17 (19), ಡೇವಿಡ್ ವಾರ್ನರ್ ಅಜೇಯ 51 (25), ಬೆನ್ ರೋಹ್ರರ್ ಸಿ ಉತ್ತಪ್ಪ ಬಿ ಅಭಿಷೇಕ್ ನಾಯರ್ 13 (13), ಕೇದಾರ್ ಜಾಧವ್ ಸಿ ಮನ್ಹಾಸ್ ಬಿ ದಿಂಡಾ 25 (19), ಇರ್ಫಾನ್ ಪಠಾಣ್ ಅಜೇಯ 4 (1). ಇತರೆ 14.
ವಿಕೆಟ್ ಪತನ: 1-20, 2-68, 3-68, 4-96, 5-159.
ಬೌಲಿಂಗ್: ಭುವನೇಶ್ವರ್ ಕುಮಾರ್ 4-0-30-0, ರಿಚರ್ಡ್‌ಸನ್ 4-0-38-0, ಅಶೋಕ್ ದಿಂಡಾ 4-0-31-3, ರಾಹುಲ್ ಶರ್ಮಾ 3-0-23-1, ಲೂಕ್ ರೈಟ್ 1-0-16-0, ಯುವರಾಜ್ ಸಿಂಗ್ 2-0-9-0, ಅಭಿಷೇಕ್ ನಾಯರ್ 2-0-15-1.
ಪುಣೆ ವಾರಿಯರ್ಸ್ 149/4 (20 ಓವರ್)
ಉತ್ತಪ್ಪ ಸಿ ಚಂದ್ ಬಿ ಪಠಾಣ್ 37(33), ಫಿಂಚ್ ಸಿ ಜಾದವ್ ಬಿ ಪಠಾಣ್ 37(33), ಯುವರಾಜ್ ಸಿ ರೊಹ್ರೆರ್ ಬಿ ಯಾದವ್ 31(24), ರೈಟ್ ಸಿ ವಾರ್ನರ್ ಬಿ ಯಾದವ್ 19(18), ಸ್ಮಿತ್ ಅಜೇಯ 17(8), ಮನಾಸ್ ಅಜೇಯ 2(4), ಇತರೆ 6.