ಧೋನಿ ಇದೀಗ ಭಾರತದ ಎರಡನೇ ಯಶಸ್ವಿ ನಾಯಕ
ಕಿಂಗ್ಸ್ಟನ್ , ಶನಿವಾರ, 25 ಜೂನ್ 2011 (11:53 IST)
ವೆಸ್ಟ್ಇಂಡೀಸ್ ವಿರುದ್ಧ ಜಮೈಕಾದಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಗೆಲುವು ದಾಖಲಿಸಿರುವ ಭಾರತ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರೀಗ ಭಾರತದ ಎರಡನೇ ಯಶಸ್ವಿ ನಾಯಕ ಎಂದೆನಿಸಿಕೊಂಡಿದ್ದಾರೆ. ಧೋನಿ ನಾಯಕತ್ವದಲ್ಲಿ ಭಾರತ ಇದೀಗ 15 ಟೆಸ್ಟ್ ಪಂದ್ಯಗಳಲ್ಲಿ ಗೆಲುವು ದಾಖಲಿಸಿದೆ. ಆ ಮೂಲಕ 47 ಟೆಸ್ಟ್ ಪಂದ್ಯಗಳಲ್ಲಾಗಿ 14ರಲ್ಲಿ ಜಯ ದಾಖಲಿಸಿದ್ದ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್ ಅವರ ದಾಖಲೆಯನ್ನು ಮಹಿ ಹಿಂದಿಕ್ಕಿದ್ದಾರೆ. ತಮ್ಮ ನಾಯಕತ್ವದ 25ನೇ ಟೆಸ್ಟ್ ಪಂದ್ಯದಲ್ಲಿಯೇ ಧೋನಿ ಈ ಸಾಧನೆ ಮಾಡಿರುವುದು ಮತ್ತೊಂದು ಗಮನಾರ್ಹ ಅಂಶ. ಮೊದಲ ಸ್ಥಾನದಲ್ಲಿರುವ ಮಾಜಿ ನಾಯಕ ಸೌರವ್ ಗಂಗೂಲಿ ನಾಯಕತ್ವದಲ್ಲಿ ಆಡಲಾದ 49 ಪಂದ್ಯಗಳಲ್ಲಿ ಭಾರತ 21 ಪಂದ್ಯಗಳಲ್ಲಿ ಜಯ ದಾಖಲಿಸಿತ್ತು. ಆದರೆ ಇದೀಗ ಈ ದಾಖಲೆಯು ಸಹ ಬಹಳ ದಿನಗಳ ಮುಂದುವರಿಯುವುದು ಅನುಮಾನವೆನಿಸಿದೆ. ಯಾಕೆಂದರೆ ಶೇಕಡಾ 60ರಷ್ಟು ಗೆಲುವಿನ ಸರಾಸರಿ ಹೊಂದಿರುವ ಧೋನಿ ಎಲ್ಲ ಪ್ರಕಾರದಲ್ಲಿಯೂ ಭಾರತದ ಯಶಸ್ಸಿನ ನಾಯಕ ಎಂದೆನಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಮಹಿ ನಾಯಕತ್ವದ ಮತ್ತೊಂದು ಉಲ್ಲೇಖನೀಯ ಅಂಶವೆಂದರೆ ಈ ಜಾರ್ಖಂಡ್ ಅಡಿಯಲ್ಲಿ ಭಾರತ ಇದುವರೆಗೆ ಒಂದೇ ಒಂದು ಟೆಸ್ಟ್ ಸರಣಿಯನ್ನು ಕಳೆದುಕೊಂಡಿಲ್ಲ. ಭಾರತದ ಯಶಸ್ವಿ ನಾಯಕರ ಪಟ್ಟಿ: ನಾಯಕ | ಪಂದ್ಯ | ಜಯ | ಸೋಲು | ಡ್ರಾ | ಜಯದ ಸರಾಸರಿ |
ಸೌರವ್ ಗಂಗೂಲಿ | 49 | 21 | 13 | 15 | 42.86 |
ಮಹೇಂದ್ರ ಸಿಂಗ್ ಧೋನಿ | 25 | 15 | 3 | 7 | 60.00 |
ಮೊಹಮ್ಮದ್ ಅಜರುದ್ದೀನ್ | 47 | 14 | 14 | 19 | 29.79 |
ನವಾಬ್ ಪಟೌಡಿ ಜೂನಿಯರ್ | 40 | 9 | 19 | 12 | 22.50 |
ಸುನಿಲ್ ಗಾವಸ್ಕರ್ | 47 | 9 | 8 | 30 | 19.15 |
ರಾಹುಲ್ ದ್ರಾವಿಡ್ | 25 | 8 | 6 | 11 | 32.00 |
ಬಿಷನ್ ಸಿಂಗ್ ಬೇಡಿ | 22 | 6 | 11 | 5 | 27.27 |