ನಿರೀಕ್ಷೆಯಂತೆ ಪಾಕಿಸ್ತಾನ ಕ್ರಿಕೆಟ್ ನಿಯಂತ್ರಣ ಮಂಡಳಿಯು, ನವೆಂಬರ್ ಐದರಿಂದ ಪ್ರಾರಂಭವಾಗುವ ಭಾರತೀಯ ಪ್ರವಾಸಕ್ಕೆ ತಂಡವನ್ನು ಅಲ್ಪ ಪ್ರಮಾಣದಲ್ಲಿ ಬದಲಾವಣೆ ಮಾಡಿದ್ದು, ಮದ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ಯುನಿಸ್ ಖಾನ್ ಅವರಿಗೆ ಉಪನಾಯಕನ ಹುದ್ದೆ ನೀಡಿದೆ.
ಭಾರತದ ವಿರುದ್ಧ ನಡೆಯಲಿರುವ ಐದು ಏಕದಿನಗಳ ಸರಣಿಯಲ್ಲಿ ಶೋಯಬ್ ಮಲ್ಲಿಕ್ ಅವರ ನಂತರದ ಸ್ಥಾನವನ್ನು ಯುನಿಸ್ ಖಾನ್ ಅವರಿಗೆ ನೀಡಲಾಗಿದೆ ಎಂದು ಪಿಸಿಬಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಸಲ್ಮಾನ್ ಭಟ್ ಅವರ ಸ್ಥಾನಕ್ಕೆ ಯುನಿಸ್ ಖಾನ್ ಅವರನ್ನು ನೇಮಕ ಮಾಡಲಾಗಿದ್ದು. ಅವರಿಗೆ ನಾಯಕನ ಹುದ್ದೆ ನೀಡುವ ಕ್ರಮ ಎಂದು ಭಾವಿಸಲಾಗಿದ್ದು ಯುನಿಸ್ ಖಾನ್ ಅವರಿಗೆ ಟೆಸ್ಟ್ ತಂಡದ ನಾಯಕತ್ವ ವಹಿಸುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ. ಇದಕ್ಕೂ ಮುನ್ನ ಯುನಿಸ್ ಖಾನ್ ಅವರು ವಿಶ್ವ ಕಪ್ ಕ್ರಿಕೆಟ್ ಟೂರ್ನಿಯ ವಿಫಲ ಪ್ರದರ್ಶನದ ತಂಡದ ಜವಾಬ್ದಾರಿಯನ್ನು ಹೊತ್ತುಕೊಳ್ಳುವುದಕ್ಕೆ ವಿವಿದ ಕಾರಣಗಳಿಂದ ನಿರಾಕರಿಸಿದ್ದರು.
2005 ಇಂಜಿ ನಾಯಕತ್ವದಲ್ಲಿ ಭಾರತೀಯ ಪ್ರವಾಸ ಕೈಗೊಂಡಿದ್ದ ಪಾಕ್ ತಂಡದಲ್ಲಿದ್ದ ಯುನಿಸ್ ಖಾನ್ ಅವರು ಆಗ ಕೂಡ ಉಪಕಪ್ತಾನ ಎಂದು ನೇಮಕಗೊಂಡಿದ್ದರು. ಇನ್ನೊಂದು ದೃಷ್ಟಿಯಲ್ಲಿ ಸಲ್ಮಾನ್ ಭಟ್ ಅವರ ಹಿಂಬಡ್ತಿ ಭಟ್ ಪಾಲಿಗೆ ಮುಂದೊಂದು ದಿನ ಮುಳುವಾಗಲಿದ್ದು, ಅವರ ಬ್ಯಾಟಿಂಗ್ ತೃಪ್ತಿಕರವಾಗಿಲ್ಲದ ಕಾರಣ ತಂಡದಿಂದ ಹೊರಗೆ ಬೀಳುವ ಸಾಧ್ಯತೆ ಇದೆ.
