ಇನ್ನು ಮೂರು ವರ್ಷ ಐಪಿಎಲ್‌ನಲ್ಲಿ ಆಡುವೆ: ಮುರಳಿ
ಜೋಹಾನ್ಸ್‌ಬರ್ಗ್ , ಬುಧವಾರ, 11 ಆಗಸ್ಟ್ 2010 (17:48 IST)
ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಮುಂದಿನ ಮೂರು ವರ್ಷಗಳ ಕಾಲ ಆಡುವ ಭರವಸೆಯನ್ನು ಶ್ರೀಲಂಕಾ ಸ್ಪಿನ್ ದಿಗ್ಗಜ ಮುತ್ತಯ್ಯ ಮುರಳೀಧರನ್ ವ್ಯಕ್ತಪಡಿಸಿದ್ದಾರೆ. ಕಳೆದ ತಿಂಗಳಷ್ಟೇ ಟೆಸ್ಟ್ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದ ಮುರಳಿ ಏಕದಿನ ಹಾಗೂ ಐಪಿಎಲ್‌ನಲ್ಲಿ ಮುಂದುವರಿಯುವ ಇರಾದೆ ವ್ಯಕ್ತಪಡಿಸಿದ್ದಾರೆ. ಅದೇ ರೀತಿ ಲಂಕಾ ತಂಡಕ್ಕೆ ತನ್ನ ಸೇವೆ ಅಗತ್ಯವಿದ್ದಲ್ಲಿ ಮುಂಬರುವ ಏಕದಿನ ವಿಶ್ವಕಪ್‌ನಲ್ಲಿ ಆಡಲು ಸಿದ್ಧನಿದ್ದೇನೆ. ಅಲ್ಲದೆ ಕೆಲವು ಕೌಂಟಿ ಕ್ರಿಕೆಟ್ ಕೂಡಾ ಆಡಲಿದ್ದೇನೆ ಎಂದವರು ಹೇಳಿದರು.ದೈಹಿಕ ಸಮಸ್ಯೆಯ ಹಿನ್ನೆಲೆಯಲ್ಲಿ ನಾನು ಟೆಸ್ಟ್‌ಗೆ ನಿವೃತ್ತಿ ಘೋಷಿಸಿಲ್ಲ. ಬದಲಾಗಿ ಶ್ರೇಷ್ಠ ನಿರ್ವಹಣೆ ನೀಡುವ ಹಂತದಲ್ಲಿಯೇ ವಿದಾಯ ಹಾಡುವುದು ನನ್ನ ಇರಾದೆಯಾಗಿತ್ತು ಎಂದವರು ನುಡಿದರು. ಸ್ಪಿನ್ ಎಂಬುದು ಬೌಲಿಂಗ್ ಕಠಿಣ ಕಲೆ. ಆದರೆ ಎಲ್ಲಾ ಪ್ರಕಾರದ ಆಟದಲ್ಲೂ ಇದು ನಿರ್ಣಾಯಕ ಪಾತ್ರ ವಹಿಸುತ್ತಿದೆ. ಟ್ವೆಂಟಿ-20ಗಳಲ್ಲಿಯೂ ಸ್ಪಿನ್ನರುಗಳೇ ಪ್ರಮುಖ ಪಾತ್ರ ವಹಿಸುತ್ತಾರೆ ಎಂದವರು ಸೇರಿಸಿದರು. ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ 'ವೆಬ್‌ದುನಿಯಾ'ವನ್ನು ಫಾಲೋ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
