ಲಂಡನ್: ವಿಶ್ವಕಪ್ 2019 ರ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾಗಿದ್ದ ಅಸಂಖ್ಯಾತ ಅಭಿಮಾನಿಗಳ ಬೆಂಬಲ ನೋಡಿ ವೀಕ್ಷಕ ವಿವರಣೆಕಾರರಾದ ಖ್ಯಾತ ಮಾಜಿ ಕ್ರಿಕೆಟಿಗರು ದಂಗಾಗಿದ್ದಾರೆ.
ಓವಲ್ ಮೈದಾನ ಸಂಪೂರ್ಣವಾಗಿ ನೀಲಿ ಟಿ ಶರ್ಟ್ ತೊಟ್ಟ ಭಾರತೀಯ ಪ್ರೇಕ್ಷಕರಿಂದಲೇ ಭರ್ತಿಯಾಗಿತ್ತು. ಇವರ ಮಧ್ಯೆ ಕೆಲವೇ ಕೆಲವು ಹಳದಿ ಶರ್ಟ್ ತೊಟ್ಟ ಆಸೀಸ್ ಸಮರ್ಥಕರಿದ್ದರು. ಅಷ್ಟೇ ಅಲ್ಲದೆ, ಧೋನಿಗೆ ಗ್ಲೌಸ್ ನಲ್ಲಿ ಬಲಿದಾನ ಚಿಹ್ನೆ ಬಳಸಬಾರದು ಎಂದು ಐಸಿಸಿ ತಾಕೀತು ಮಾಡಿದ್ದಕ್ಕೆ ತಾವೇ ಬಲಿದಾನ ಚಿಹ್ನೆ ಪ್ರದರ್ಶಿಸಿದ್ದಾರೆ.
ಇವರನ್ನು ನೋಡಿ ವೀಕ್ಷಕ ವಿವರಣೆಕಾರರಾದ ಮೈಕಲ್ ವಾನ್, ಆಸೀಸ್ ಮೂಲದ ಮೈಕಲ್ ಸ್ಲಾಟರ್ ದಂಗಾಗಿ ಹೋಗಿದ್ದಾರೆ. ಮೈಕಲ್ ಅಂತೂ ನಾನು ಕಾಮೆಂಟರಿ ಹೇಳುವುದನ್ನು ಬಿಟ್ಟು ಹಳದಿ ಶರ್ಟ್ ಹಂಚಲು ಹೋಗುವುದು ಒಳ್ಳೆಯದೇನೋ ಎಂದು ತಮಾಷೆ ಮಾಡಿಕೊಂಡಿದ್ದಾರೆ. ಅಂತೂ ಭಾರತೀಯ ಕ್ರಿಕೆಟಿಗರಿಗೆ ತವರಿನಲ್ಲಿ ಆಡಿದ ಅನುಭವವೇ ಆಗಿದೆ.