ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತಮ್ಮ ಗಡ್ಡಕ್ಕೆ ವಿಮೆ ಮಾಡಿಸಿಕೊಂಡಿದ್ದಾರೆಂದು ಕ್ರಿಕೆಟಿಗ ಕೆಎಲ್ ರಾಹುಲ್ ತಮಾಷೆ ಮಾಡಿದ್ದೇ ಮಾಡಿದ್ದು. ಇದೀಗ ಈ ವಿಷ್ಯ ವೈರಲ್ ಆಗಿದೆ.
ಎಲ್ಲರೂ ವಿರಾಟ್ ಈ ಬಗ್ಗೆ ಸ್ಪಷ್ಟನೆ ಕೊಡುತ್ತಾರಾ ಎಂದು ಕಾಯುತ್ತಿದ್ದರೆ, ಕ್ಯಾಪ್ಟನ್ ಮಾತ್ರ ತಮಾಷೆ ನೋಡುತ್ತಿದ್ದಾರೆ. ಈ ಬಗ್ಗೆ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದರೂ ಗಡ್ಡ ವಿಮೆ ಮಾಡಿಸಿಕೊಂಡಿರುವುದು ನಿಜವಾ ಸುಳ್ಳಾ ಎಂದು ಮಾತ್ರ ಗುಟ್ಟು ಬಿಟ್ಟುಕೊಟ್ಟಿಲ್ಲ.
‘ನನ್ನ ಗಡ್ಡದ ಬಗ್ಗೆ ಕೇಳಿಬರುತ್ತಿರುವ ಮಾತುಗಳು ತಮಾಷೆಯಾಗಿವೆ. ಇದು ಪಾಪ್ ಕಾರ್ನ್ ಟೈಮ್ ಬಾಯ್ಸ್’ ಎಂದು ಫನ್ನಿ ಸಿಂಬಲ್ ಜತೆಗೆ ಬರೆದುಕೊಂಡಿದ್ದಾರೆ ಕೊಹ್ಲಿ. ಇಬ್ಬರು ಸೂಟುಧಾರಿಗಳು ಕೊಹ್ಲಿ ಗಡ್ಡದ ಅಳತೆ ಪಡೆಯುತ್ತಿರುವ ಮತ್ತು ಫೋಟೋ ತೆಗೆಯುತ್ತಿರುವ ವಿಡಿಯೋವನ್ನು ರಾಹುಲ್ ಹರಿಯಬಿಟ್ಟಿದ್ದರು. ಅದರ ನಂತರ ಈ ರೀತಿಯ ಊಹಾಪೋಹಗಳು ಎದ್ದಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.