ಇಂಗ್ಲೆಂಡ್ ಸರಣಿಗೆ ನಾಳೆ ಟೀಂ ಇಂಡಿಯಾ ಆಯ್ಕೆ

ಕೋಲ್ಕತ್ತಾ:  ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಟೆಸ್ಟ್ ಸರಣಿಗೆ ಟೀಂ ಇಂಡಿಯಾ ಆಯ್ಕೆ ಮಾಡಲು ನಾಳೆ ಆಯ್ಕೆ ಸಮಿತಿ ಮುಂಬೈಯಲ್ಲಿ ಸಭೆ ಸೇರಲಿದೆ.

ಎಂಎಸ್ ಕೆ ಪ್ರಸಾದ್  ನೇತೃತ್ವದ ಆಯ್ಕೆ ಸಮಿತಿ ನ್ಯೂಜಿಲೆಂಡ್ ಸರಣಿಗೆ ಆಯ್ಕೆ ಮಾಡಿದ ತಂಡವನ್ನೇ ಉಳಿಸಿಕೊಳ್ಳದೆ ಕೆಲವು ಬದಲಾವಣೆಗಳನ್ನು ಮಾಡುವ ಸಾಧ್ಯತೆಯಿದೆ.  ಗಾಯದಿಂದಾಗಿ ಕೆಲವು ದಿನಗಳಿಂದ ಮೈದಾನದಿಂದ ದೂರವಿದ್ದ ಇಶಾಂತ್ ಶರ್ಮಾ ಫಿಟ್ ಆಗಿದ್ದಾರೆ.

ಕಿವೀಸ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಆರಂಭಿಕ ಕೆ ಎಲ್ ರಾಹುಲ್ ಮತ್ತು ಶಿಖರ್ ಧವನ್ ಗಾಯಗೊಂಡಿದ್ದರಿಂದ ಹಿರಿಯ ಗೌತಮ್ ಗಂಭೀರ್ ಎರಡು ವರ್ಷಗಳ ನಂತರ ಮತ್ತು ಕರಣ್ ನಾಯರ್ ತಂಡಕ್ಕೆ ಮರಳಿದ್ದರು. ಇದೀಗ ರಾಹುಲ್ ಫಿಟ್ ನೆಸ್ ಟೆಸ್ಟ್ ನಲ್ಲಿ ಪಾಸಾದರೆ ಗಂಭೀರ್ ಸ್ಥಾನ ಏನು ಎಂಬುದು ನಿರ್ಧಾರವಾಗಬೇಕಿದೆ.

ಹೀಗಾಗಿ ಶಿಖರ್ ಧವನ್ ಮತ್ತು ಕೆ ಎಲ್ ರಾಹುಲ್ ಸ್ಥಾನ ಅವರಿಗೇ ಸಿಗುತ್ತದೋ, ಅಥವಾ ಗಂಭೀರ್ ಮತ್ತು ಕರಣ್ ನಾಯರ್ ಗೆ ಇನ್ನೊಂದು ಛಾನ್ಸ್ ಸಿಗುತ್ತದೋ ಕಾದು ನೋಡಬೇಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ