ಮುಂಬೈ: ಬಿಸಿಸಿಐ ಭಾರತೀಯ ಕ್ರಿಕೆಟಿಗರ ಸಂಭಾವನೆ ದುಪ್ಪಟ್ಟುಗೊಳಿಸಿದೆ. ಸದ್ಯಕ್ಕೆ ಪರಿಷ್ಕೃತವಾದ ಕ್ರಿಕೆಟಿಗರ ವೇತನ ನೋಡಿದರೆ ನೀವು ದಂಗಾಗದೇ ಇರಲಾರಿರಿ.
ಬಿಸಿಸಿಐ ಸಾಮಾನ್ಯ ಸಭೆಯಲ್ಲಿ ಈ ಮಹತ್ವದ ತೀರ್ಮಾನ ಕೈಗೊಳ್ಳಲಾಗಿದ್ದು, ಗ್ರೇಡ್ ಕೆಟಗರಿಗೆ ಸೇರುವ ಆಟಗಾರರಿಗೆ ಭಾರೀ ಸಂಭಾವನೆ ನಿಗದಿಯಾಗಿದೆ. ಈ ಹೊಸ ಸಂಭಾವನೆ ಕಳೆದ ವರ್ಷದ ಅಕ್ಟೋಬರ್ ನಿಂದ ಅನ್ವಯವಾಗಲಿದೆ.
ದರ್ಜೆ ಎ, ಬಿ ಮತ್ತು ಸಿ ಗೆ ಸೇರುವ ಆಟಗಾರರಿಗೆ ಹೊಸ ಸಂಭಾವನೆ ನಿಗದಿ ಮಾಡಲಾಗಿದೆ. ಎ ಕೆಟಗರಿಯಲ್ಲಿ ಪ್ರಮುಖ ಆಟಗಾರರಾದ ವಿರಾಟ್ ಕೊಹ್ಲಿ, ಧೋನಿ, ಅಶ್ವಿನ್, ರೆಹಾನೆ, ಪೂಜಾರ, ಜಡೇಜಾ, ಮುರಳಿ ವಿಜಯ್ ಸೇರಿದ್ದಾರೆ. ಇವರಿಗೆ 2 ಕೋಟಿ ರೂ. ಸಂಭಾವನೆ ನೀಡಲಾಗುವುದು.
ಬಿ ಕೆಟಗರಿಯಲ್ಲಿ 1 ಕೋಟಿ ವೇತನ ಪಡೆಯಲಿರುವ ಕ್ರಿಕೆಟಿಗರೆಂದರೆ, ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ಭುವನೇಶ್ವರ್ ಕುಮಾರ್, ಇಶಾಂತ್ ಶರ್ಮಾ, ಮೊಹಮ್ಮದ್ ಶಮಿ, ಉಮೇಶ್ ಯಾದವ್, ವೃದ್ಧಿಮಾನ್ ಸಹಾ, ಯುವರಾಜ್ ಸಿಂಗ್, ಜಸ್ಪ್ರೀತ್ ಬುಮ್ರಾ.