ಇಂಗ್ಲೆಂಡ್ ವಿರುದ್ಧ ತಾಳ್ಮೆಯ ಹೋರಾಟ ನಡೆಸುತ್ತಿರುವ ಟೀಂ ಇಂಡಿಯಾ

ಟ್ರೆಂಟ್ ಬ್ರಿಡ್ಜ್: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೊದಲ ಟೆಸ್ಟ್ ಪಂದ್ಯದ ದ್ವಿತೀಯ ದಿನದಾಟದಲ್ಲೂ ಟೀಂ ಇಂಡಿಯಾ ತನ್ನ ಪಾರಮ್ಯ ಮೆರೆದಿದೆ.

ಮೊದಲ ಇನಿಂಗ್ಸ್ ನಲ್ಲಿ ಇಂಗ್ಲೆಂಡ್ 183 ರನ್ ಗೆ ಆಲೌಟ್ ಆಗಿತ್ತು. ಇದಾದ ಬಳಿಕ ಇನಿಂಗ್ ಆರಂಭಿಸಿದ್ದ ಟೀಂ ಇಂಡಿಯಾ ನಿನ್ನೆಯ ದಿನದಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೇ 21 ರನ್ ಗಳಿಸಿ ಮೊದಲ ದಿನದಾಟ ಮುಗಿಸಿತ್ತು.

ಇತ್ತೀಚೆಗಿನ ವರದಿ ಬಂದಾದ ದ್ವಿತೀಯ ದಿನದಾಟದಲ್ಲಿ ಟೀಂ ಇಂಡಿಯಾ ವಿಕೆಟ್ ನಷ್ಟವಿಲ್ಲದೇ 78 ರನ್ ಗಳಿಸಿದೆ. ಭಾರತದ ಪರ ತಾಳ್ಮೆಯ ಆಟವಾಡುತ್ತಿರುವ ಕೆಎಲ್ ರಾಹುಲ್ 116 ಎಸೆತ ಎದುರಿಸಿ 46 ರನ್ ಗಳಿಸಿದ್ದು, ರೋಹಿತ್ ಶರ್ಮಾ 91 ಎಸೆತಗಳಿಂದ 30 ರನ್ ಗಳಿಸಿದ್ದಾರೆ. ಇಂಗ್ಲೆಂಡ್ ವೇಗಿಗಳನ್ನು ಎಚ್ಚರಿಕೆಯಿಂದ ಎದುರಿಸುತ್ತಿರುವ ಈ ಅನುಭವಿ ಜೋಡಿ ಭದ್ರ ಅಡಿಪಾಯ ಹಾಕುತ್ತಿದೆ.