ಓವಲ್`ನಲ್ಲಿ ನಡೆಯುತ್ತಿರುವ ಶ್ರೀಲಂಕಾ ವಿರುದ್ಧದ ಟೀಮ್ ಇಂಡಿಯಾದ ಆರಂಭಿಕ ಆಟಗಾರ ಶಿಖರ್ ಧವನ್ ಅಮೋಘ ಶತಕ ಸಿಡಿಸಿದ್ದಾರೆ. 15 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ 125 ರನ್ ಸಿಡಿಸಿದ ಶಿಖರ್ ಧವನ್ ಭಾರತದ ಬೃಹತ್ ಮೊತ್ತಕ್ಕೆ ಕಾರಣರಾಗಿದ್ದಾರೆ.
ರೋಹಿತ್ ಶರ್ಮಾ ಜೊತೆ ಇನ್ನಿಂಗ್ಸ್ ಆರಂಭಿಸಿದ ಧವನ್ ಶ್ರೀಲಂಕಾ ಬೌಲರ್`ಗಳ ಬೆವರಿಳಿಸಿದರು. ಯಾವುದೇ ಹಂತದಲ್ಲೂ ಶ್ರೀಲಂಕಾ ಬೌಲರ್`ಗಳಿಗೆ ಮೇಲುಗೈ ಸಾಧಿಸಲು ಅವಕಾಶ ನೀಡದೇ ಅತ್ಯುತ್ತಮ ಇನ್ನಿಂಗ್ಸ್ ಕಟ್ಟಿದ್ದರು. ಧವನ್`ಗೆ ಉತ್ತಮ ಸಾಥ್ ನೀಡಿದ ರೋಹಿತ್ ಶರ್ಮಾ 78 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಂಡರು. ನಂತರ ಬಂದ ಕೊಹ್ಲಿ ಶೂನ್ಯು ಸುತ್ತಿ ನಿರ್ಗಮಿಸಿದರು. ಯುವಿ ಸಹ ಸಹ ಕ್ರೀಸ್`ನಲ್ಲಿ ನಿಲ್ಲಲಿಲ್ಲ. ಧೋನಿ ಜೊತೆ ಸೇರಿಕೊಂಡ ಧವನ್ ತಂಡದ ಮೊತ್ತವನ್ನ 250ರ ಗಡಿ ದಾಟಿಸಿದರು.
ಏಕದಿನ ಕ್ರಿಕೆಟ್`ನಲ್ಲಿ ಧವನ್ ಸಿಡಿಸಿದ 10ನೇ ಶತಕ ಇದಾಗಿದೆ. ಇತ್ತೀಚೆಗೆ ಮುಗಿದ ಐಪಿಎಲ್`ನಲ್ಲೂ ಅತ್ಯುತ್ತಮ ಫಾರ್ಮ್`ನಲ್ಲಿದ್ದ ಶಿಖರ್ ಧವನ್ ಚಾಂಪಿಯನ್ಸ್ ಟ್ರೋಫಿಯಲ್ಲೂ ಮುಂದುವರೆಸಿದ್ದಾರೆ.
